Башар Асад перад сваім звяржэннем вывез з Сірыі не менш за $500 тысяч і сакрэтныя дакументы
Для перавозкі грошай, а таксама ноўтбукаў і хард-дыскаў з сакрэтнай інфармацыяй Асад выкарыстаў прыватны самалёт, высветліла агенцтва Reuters, апытаўшы больш за дзясятак крыніц.
Аперацыяй кіраваў Ясар Ібрагім, галоўны эканамічны саветнік былога прэзідэнта. Ён арандаваў прыватны самалёт Embraer Legacy 600 і арганізаваў перавозку ў ААЭ каштоўнай маёмасці Асада (уключаючы карціны і скульптуры), ягоных сваякоў і памочнікаў.
Як піша агенцтва, Embraer Legacy 600 здзейсніў чатыры рэйсы з Сірыі ў ААЭ за 48 гадзін да падзення рэжыму. Апошні рэйс вылецеў 8 снежня з расійскай вайсковай авіябазы Хмеймім недалёка ад горада Латакія. Раней паведамлялася, што Башар Асад уцёк у Расію ў той жа дзень з той жа базы.
Паводле даных Reuters, на жорсткіх дысках утрымлівалася ключавая інфармацыя пра складаную сетку кампаній, што ахоплівае тэлекамунікацыі, банкаўскую справу, нерухомасць, энергетыку і іншыя сферы, якія ляжаць у аснове багацця Асада.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе4
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары