13 красавіка ў выніку ракетнага ўдару па горадзе Сумы загінуў камандзір 27-й рэактыўнай артылерыйскай брыгады імя Кашавога атамана Пятра Калнышэўскага палкоўнік Юрый Юла, паведамляюць украінскія СМІ са спасылкаю на выдаленае паведамленне Бярдзічаўскай РВА.
«Украінцы працягваюць цяжкую барацьбу, якая вызначыць будучыню дзяржавы і цывілізаванага грамадства. Кровапралітная вайна з акупантамі наносіць нацыі цяжкія страты. Гінуць лепшыя — тыя, чые сэрцы біліся ва ўнісон з роднай зямлёй. <…>
Бярдзічаўскую абшчыну напаткала балючая вестка аб гібелі ўкраінскага абаронцы, прафесійнага ваеннага палкоўніка Юрыя Юлы ў выніку ракетнага ўдару, нанесенага ворагам», — гаворыцца ў паведамленні.
Па дадзеных крыніц «Украінскай праўды», Юрый Юла быў камбрыгам 27 рэактыўнай артылерыйскай брыгады імя Кашавога атамана Пятра Калнышэўскага. Цяпер на афіцыйных сайтах Бярдзічаўскага гарадскога савета і РВА паведамленні аб гібелі Юлы выдалены.
13 красавіка расіяне нанеслі два ўдары па Сумам. Вядома пра 34 загінулых, з іх двое дзяцей — 2008 і 2013 гадоў нараджэння. Яшчэ 119 чалавек атрымалі раненні, каля 40 знаходзяцца ў бальніцах, з іх 11 — у цяжкім стане.
У Мінабароны РФ заявілі, што цэллю ўдару па Сумах былі ўкраінскія вайскоўцы.
Мэр украінскага Канатопа абвінаваціў улады Сумаў у арганізацыі ўзнагароджання вайскоўцаў.
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава8
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4848
Каментары