Свет1111

У Маскве выкралі і пабілі бацьку падлетка, чыё цела выставілі напаказ на плошчы ў Чачні

17-гадовага Эскерхана Хумашава застрэлілі, калі ён напаў на пост ДПС. Пасля гэтага Рамзан Кадыраў пачаў пагражаць яго сваякам.

У Маскве выкралі 45-гадовага Эльдара Хумашава — бацьку падлетка, якога забілі ў Чачні.

Мужчыну вывезлі ў рэгіён і жорстка збілі, піша The Insider са спасылкай на праваабаронцаў з Vayfond Association. Паведамляецца, што Хумашава, які не жыў з сынам, збілі — у яго зламаныя рукі, ногі і рэбры. Зараз ён знаходзіцца ў цяжкім стане.

17-гадовы Эскерхан Хумашаў напаў з нажом на пост ДПС у Ачхой-Мартане вечарам 7 красавіка. Міліцыянеры застрэлілі яго на месцы. Падлетку было 17 гадоў. Паводле звестак выдання «7x7», прычынай нападу стаў канфлікт з адным з сілавікоў — той рэгулярна прыніжаў і абражаў юнака.

Паведамлялася, што сілавік — былы ўдзельнік вайны супраць Украіны, але пацвердзіць гэтую інфармацыю пакуль не ўдалося. Паводле звестак СМІ, Хумашаў хацеў адпомсціць крыўдзіцелю, але праз памылку параніў нажом ягонага падначаленага Рамзана Дубаева, які ў выніку загінуў.

Пасля здарэння кіраўнік Чачні Рамзан Кадыраў стаў пагражаць сям'і Хумашава: іх паабяцалі выслаць з рэспублікі і пазбавіць маёмасці. 9 красавіка на цэнтральнай плошчы Ачхой-Мартана быў арганізаваны мітынг, на які сагналі бюджэтнікаў і нават школьнікаў. У роліках відаць, што цела падлетка паклалі на асфальт перад сабранымі, яно заставалася там і пасля таго, як натоўп разышоўся, міма проста ездзілі аўтамабілі.

На мітынгу арганізатарамі нападу на пост ДПС назвалі прадстаўнікоў апазіцыйнага чачэнскім уладам канала Niyso, а куратарам аперацыі — супрацоўніка ўкраінскіх спецслужбаў.

10 красавіка Niyso напісаў, што сілавікі затрымалі ўсіх сваякоў нападніка, у тым ліку яго непаўналетніх стрыечных братоў. Акрамя таго, невядомыя выкралі сваякоў некаторых публічных удзельнікаў гэтага праекта. Сярод выкрадзеных 73-гадовы мужчына.

У Крамлі робяць выгляд, што сведчанні пра тое, што адбываецца ў Чачні, могуць быць ненадзейнымі. Прэс-сакратар Пуціна Дзмітрый Пяскоў назваў крыніцы інфармацыі «не заслугоўваючымі даверу», нягледзячы на тое, што як мінімум лакацыя з ролікаў з целам лёгка пацвярджаецца, фатаграфіі гэтага месца ёсць нават на сайце «Единой России». Выкраданне і збіццё чалавека ў Маскве Пяскоў пакуль увогуле не каментаваў.

Каментары11

  • скрепы России
    11.04.2025
    Вперёд в каменный век и скрепам !
  • Варвары
    11.04.2025
    Союзное государство с этими? Нет, Саша, идитынахер.
  • Новое мраковекие
    11.04.2025
    Что Чечня, что Москва, теперь это одна дикая азиатчина.

Цяпер чытаюць

Фінал Лігі чэмпіёнаў скончыўся з лікам 5:0. Такога разгрому не было ніколі ў гісторыі

Фінал Лігі чэмпіёнаў скончыўся з лікам 5:0. Такога разгрому не было ніколі ў гісторыі

Усе навіны →
Усе навіны

У ДТЗ у Івацэвіцкім раёне загінулі два чалавекі

Галоўчанка патлумачыў сітуацыю з далярамі ў Беларусі3

Навукоўцы зразумелі, чаму нашы вясковыя бабулі жылі даўжэй7

Мінчук хацеў правучыць «хамa» ў трамваі, але чамусьці ўдарыў каленам у нос школьніцу2

У Магілёве прадаюць 10 тон бульбы ўсяго па 60 капеек за кіло. Што з ёй не так?4

У Белым доме ўрачыста правялі з дзяржаўнай службы Ілана Маска. Трамп падарыў яму залаты ключ11

Трамп заявіў, што расчараваны і шакаваны дзеяннямі Расіі1

Акадэмікам Расійскай акадэміі навук абралі «кравасісю» часоў Януковіча 5

«Я яшчэ мог сумнявацца ў сабе. Але калі Маша такое зрабіла!» Невядомыя факты пра Віктара Бабарыку расказала яго адвакатка Наталля Мацкевіч7

больш чытаных навін
больш лайканых навін

Фінал Лігі чэмпіёнаў скончыўся з лікам 5:0. Такога разгрому не было ніколі ў гісторыі

Фінал Лігі чэмпіёнаў скончыўся з лікам 5:0. Такога разгрому не было ніколі ў гісторыі

Галоўнае
Усе навіны →

Заўвага:

 

 

 

 

Закрыць Паведаміць