17-гадовы Адам Кадыраў стаў куратарам МУС па Чачні. Пра гэта было абвешчана на нарадзе 31 сакавіка.
Кіраўнік МУС Аслан Ірасханаў адзначыў, што рашэнне прынята па даручэнні Рамзана Кадырава. Пасля прадстаўлення калектыву МУС сын кіраўніка Чачні ўручыў медалі Героя Чачні васьмі «асабліва вызначаным супрацоўнікам».
Адам Кадыраў займае пасаду начальніка аддзела бяспекі свайго бацькі і з’яўляецца куратарам батальёна імя шэйха Мансура. Яму таксама было прысвоена званне Героя Чачні і ён унесены ў Кнігу рэкордаў Расіі (як самы малады начальнік службы бяспекі кіраўніка суб’екта Расіі).
Дзеці і сваякі Кадырава рэгулярна прызначаюцца на высокія пасады. Яшчэ адзін сын Рамзана Кадырава, Ахмат, летась заняў пасаду міністра спорту. Яго дачка Хадзіжат у лютым 2024 года была прызначана першым намеснікам кіраўніка адміністрацыі кіраўніка Чачні. Яшчэ адна яго дачка, Хутмат Кадырава, курыруе сферу аховы здароўя, нагадвае «Настоящее время».
Каментары