У 2024 годзе грамадзяне Беларусі набылі ў Польшчы каля 3 тыс. кватэр агульнай плошчай амаль 180 тыс. квадратных метраў. Гэта на 60% больш, чым у 2023 годзе, піша Most cа спасылкай на Propertynews.pl.
Усяго ў 2024 годзе замежнікі набылі ў Польшчы 17 330 кватэр, або на 21% больш, чым годам раней. Больш за палову набылі ўкраінцы — каля 9 тыс. — гэта на чвэрць больш, чым у 2023 годзе. Беларусы — на другім месцы.
А вось грамадзяне Германіі сталі радзей укладваць грошы ў жыллёвую нерухомасць у Польшчы: за 2024 год яны набылі аб’екты агульнай плошчай 57 тыс. квадратных метраў, што на 25% менш, чым у 2023 годзе.
Найчасцей замежнікі набывалі кватэры ў Варшаве. За год у сталіцы яны набылі 3535 кватэр, з якіх 3045 набылі фізічныя асобы, а 490 — юрыдычныя. Гэта больш чым на 20% перавышае паказчык папярэдняга года. На другім месцы знаходзіцца Кракаў (1523 кватэры). Далей ідуць Уроцлаў (1491), Лодзь (827), Познань (540), Гданьск (325), Гожаў-Велькапольскі (204), Шчэцін (158).
Сярэдняя плошча кватэры, набытай замежнікамі ў Польшчы, склала 58 кв. метраў. Гэты паказчык істотна не змяніўся ў параўнанні з папярэднім годам.
На думку Барташа Турэка, эксперта кампаніі Hreit, рост цікавасці замежнікаў да набыцця жылля ў Польшчы выкліканы як геапалітычнымі ўмовамі, так і спрыяльнай сітуацыяй у краіне.
— Для многіх людзей ключавымі ўмовамі з’яўляюцца эканамічная стабільнасць, нізкае беспрацоўе, рост заробкаў і больш нізкі, чым у Заходняй Еўропе, кошт жыцця, — адзначыў Турэк.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары