У канадскім Эдмантане падвергнулася акту вандалізму статуя культавай фігуры канадскага хакея — Уэйна Грэцкі, найлепшага бамбардзіра ў гісторыі НХЛ і хакеіста, што мае беларускія карані, піша Championat.com.
Як паведамляе ў сацсетках канадскі журналіст Дзін Бландэл, манумент быў абкіданы экскрэментамі. Матывы дзеянняў невядомых асоб застаюцца незразумелымі.
Раней Грэцкі ўжо трапляў пад хвалю крытыкі ў Канадзе праз свае сувязі з экс-прэзідэнтам ЗША Дональдам Трампам. Менавіта Трамп увёў жорсткія мытныя тарыфы ў дачыненні да Канады і нават прапаноўваў уключыць краіну ў склад ЗША як 51-ы штат.
За сваю кар’еру ў НХЛ Уэйн Грэцкі набраў 2857 балаў (894 шайбы + 1963 перадачы) у 1487 матчах — паказчык, які дагэтуль застаецца недасягальным. Але зараз яго даганяе па закінутых шайбах расійскі форвард «Вашынгтона» Аляксандр Авечкін, які мае ўжо 888 закінутых шайбаў.
Уэйн Грэцкі гуляў за «Эдмантан» у 1978-1988 гадах і зрабіў клуб адным з найлепшых у Нацыянальнай хакейнай лізе. Пры Грэцкі «Эдмантан» чатыры разы выйграваў Кубак Стэнлі, прычым зрабіў упершыню. За дасягненні гульцу паставілі ў горадзе статую.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
[Зрэдагавана]