Што чакае Полк Каліноўскага пасля магчымага перамір'я і ці зойдзе УСУ на тэрыторыю Беларусі? Разважае палітолаг Магда
«Доўгатэрміновага спынення вайны не будзе», — выказвае ўпэўненасць у эфіры «Еўрарадыё» ўкраінскі палітолаг Яўген Магда.
Што ў выніку перамір'я чакае Полк Каліноўскага? На думку палітолага, паўзу ў баявых дзеяннях уладам Украіны трэба выкарыстаць для больш дакладнага юрыдычнага афармлення замежных добраахвотнікаў, якія ваююць у складзе палка і Інтэрнацыянальнага легіёна, для таго, каб яны адчувалі сябе больш упэўнена.
Магда сумняваецца, што ў Лукашэнкі атрымаецца сесці за стол перамоваў. Лукашэнка мог бы паспрабаваць «купіць» увагу Захаду, але ў яго гэта не атрымліваецца. Адзінае, што ён мае як рычаг уздзеяння — палітычныя вязні, і, магчыма, ён будзе спрабаваць вызваляць некаторых, каб паказаць сваю гатоўнасць да перамоваў.
Палітолаг лічыць, што ЗША могуць разглядаць варыянт змякчэння санкцый супраць Беларусі, каб вырваць яе з-пад уплыву Расіі. Але Магда не бачыць рэальных сцэнарыяў, як гэта можа адбыцца. Бо і ўзровень залежнасці ад Расіі вялікі, і з заходнімі лідарамі сапсаваныя адносіны.
«Лукашэнка нагадвае чалавека, які па вусы сядзіць у расійскім балоце. І ён жа не барон Мюнхгаўзен, каб выцягнуць сябе самому».
Палітолаг таксама выказаў сваё стаўленне да размоў аб магчымасці заходу на тэрыторыю Беларусі падраздзяленняў Узброеных сіл Украіны.
Магда мяркуе, што ў сённяшняй сітуацыі гэты сцэнарый не надта рэалістычны, ён для Украіны не прыярытэтны.
Ён нагадвае, што паміж нашымі краінамі захоўваюцца дыпламатычныя адносіны.
«Праз такі сцэнарый могуць гаварыць пра Украіну як пра інтэрвента. І, нягледзячы на ўсю палітыку Лукашэнкі, тут будзе сітуацыя такая: хто будзе крычаць гучней. А я баюся, што крамлёўскія прапагандысты і еўрапейскія пуцінферштэеры будуць крычаць мацней, чым прадстаўнікі беларускіх дэмакратычных сіл і, магчыма, украінскай улады».
Цяпер чытаюць
Дастаўшчык ежы «Яндэкс» у Маскве заспяваў на вуліцы і стаў зоркай — ім аказаўся хлопец з Брэста2
Каментары
Магда, возможно, говорит о интеграции иностранного легиона в Силы сопротивления на постоянной основе, без привязки к войне, как во Франции. Сделать постоянной частью армии.