Украінскі палітолаг у трох словах патлумачыў, якімі бачыць беларусаў
Дырэктар украінскага Інстытута сусветнай палітыкі Яўген Магда даў сваё азначэнне беларускай ідэнтычнасці.
Пра гэта ён расказаў на канферэнцыі «Новая Беларусь».
Яўген Магда звярнуў увагу, што трыяда «Армія, мова, вера», якая была ва Украіне пасля «Рэвалюцыі годнасці» 2014 года, шмат у чым дапамагла ў 2022-м у змаганні з расійскай агрэсіяй.
Палітолаг выказаў думку, што беларусам, якія знаходзяцца на этапе фарміравання палітычнай нацыі, таксама неабходна шукаць тое, што іх найбольш вызначае. Сам жа ён для нас бачыць трыяду: «Мір, Еўропа, веды».
Гэта значыць, што беларусаў могуць успрымаць як мірных, адукаваных еўрапейцаў.
«Я спадзяюся, што Украіна і Беларусь будуць здольныя не заставацца часткай «трыадзінага славянскага народа», а стаць здвоеным, як у баскетболе, антыімперскім цэнтрам», — заўважыў Магда.
Ён бачыць дзве мэтавыя аўдыторыі, якія могуць быць агентамі перамен у нашай краіне — гэта моладзь і сярэдні клас.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам5
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў66
Каментары
З савецкім сцягам ніхто не ходзіць. Акрамя купкі НОДаўцаў (расейскі рух, беларусаў там няма).
Ну і яшчэ ёсць група Бондарава-Мірсалімава, дык гэтыя расейкі не столькі за савок, колькі за z-Расею.
Савок існуе толькі на некаторых дзяржаўных мерапрыемствах, бо падстраіваюцца пад Лукашэнку, які безумоўна адэпт Саўка.