Паводле інфармацыі Gazeta Wyborcza, мільярдэр Ілан Маск вырашыў купіць сабе кватэру ў самым высокім будынку Варшавы — хмарачосе па адрасе Złota 44, піша Devby.io.
Год таму Ілан Маск з'ездзіў у Асвенцім і ўзяў удзел у дыскусіі на тэму антысемітызму ў інтэрнэце ў Кракаве. Відаць, Польшча яму спадабалася, таму ён стаў шукаць сабе тут нерухомасць.
У прыватнасці, Маск прыглядаўся да кватэры нумар 504, размешчанай у прэстыжным варшаўскім хмарачосе на Złota 44. Але тады, па інфармацыі Wyborcza, ён не адважыўся на куплю праз забарону на вядзенне камерцыйнай дзейнасці па гэтым адрасе.
Цяпер жа стала вядома, што мільярдэр усё ж плануе купіць кватэру на 52-м паверсе хмарачоса на той жа Złota 44. Яе плошча — 200 квадратных метраў, і адтуль адкрываецца від на «Варшаўскі Манхэтан».
Пачатковы кошт кватэры — 25 мільёнаў злотых (больш за 6 млн даляраў). На гэтым момант жылы будынак на Złota 44 з'яўляецца самым высокім у Варшаве: яго вышыня складае 192 метры.
Маск адрэагаваў на абвінавачанні, што ён паказаў нацысцкі жэст
Найбольш шчаслівым на інаўгурацыі Трампа выглядаў Ілан Маск ВІДЭА
Blue Origin Джэфа Безаса ўпершыню запусціла ракету на арбіту. У SpaceX з’явіўся сур'ёзны канкурэнт
Мільярдэры, замежныя госці і экс-прэзідэнты: хто будзе прысутнічаць на інаўгурацыі Трампа
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам17
Каментары