Грамадства7474

«Гэта больш не зона свабоды і праўды». Сяргей Падсасонны пакідае «Белсат»

Вядучы Сяргей Падсасонны ў праграме «Тыдзень» заявіў пра тое, што пакідае «Белсат», на якім ён працаваў 17 гадоў: «Зрабіць выгляд, што нічога не адбылося і змаўчаць, я не магу». 

Сяргей Падсасонны. Фота: siarhei.padsasonny / Facebook

«Зрабіць выгляд, што нічога не адбылося, і змаўчаць я не магу», — так Сяргей Падсасонны развітаўся з гледачамі ў жывым эфіры праграмы «Тыдзень». 

Акрамя таго, ён апублікаваў пост у фэйсбуку. Там ён піша, што прыйшоў на канал у сакавіку 2007 года.

«Сёння гэта скончылася. Былі тысячы інтэрв’ю, сотні рэпартажаў, спецвыданні, Украіна, Ірак, Палестына, ЗША, Канада… Гэта тут я выпусціў 8 гадзінаў жывога эфіру з Вільні, калі мы хавалі Кастуся Каліноўскага і паўстанцаў; рабіў спецэфіры з Ватыкану і Віфлеему на Раство; правёў тысячы гадзінаў жывых эфіраў пра пратэсты, вайну, гарачыя падзеі», — напісаў ён. 

Падсасонны дадаў, што аўтарская праграма «Тыдзень», якую ён прыдумаў з Ігарам Кулеем была іх «тэрыторыяй свабоды».

«Ніколі і ніхто за амаль чатыры гады не дыктаваў, як мае выглядаць эфір», — напісаў ён. 

«Менавіта ў праграме «Тыдзень» 17 лістапада 2024 г. адбылося інтэрв’ю з Алінай Коўшык, якая стала кіраўніцай беларускай рэдакцыі «Белсат». І за гэтае інтэрв’ю, між іншага, быў зняты з пасады кіраўніка ньюсрума Ігар Кулей. Другая прычына: на пачатку праграмы «Аб’ектыў» 19 лістапада 2024 г. я развітаўся з Аляксеем Дзікавіцкім, які ствараў «Белсат» і аддаў яму 18 гадоў жыцця. Кажуць, інтэрв’ю «парушыла журналісцкія стандарты», а прывітанне «зламала фармат», а нават — я быў абвінавачаны ў «хлусні» ў эфіры. Адразу скажу, што аніякага прапісанага фармату праграмы не існавала. Таму нельга зламаць нешта, чаго няма. Як няма і ані слова хлусні ў маім развітанні, якое было звычайным чалавечым жэстам падзякі за працу», — патлумачыў ён. 

Ён дадаў, што яго стандарты не супадаюць з напісаннем «службовых нататак кіраўніцтву, даносамі і падхалімствам, маўчаннем і страхам».

«Пасля публічных і непублічных прыніжэнняў у бок Ігара Кулея і мяне асабіста не магу больш заставацца на канале, які ў такім выглядзе ўжо не лічу маім. Гэта больш не зона свабоды і шчырасці, праўды, якую мы стварылі і якой трымаліся», — дадаў ён. 

15 лістапада 2024 года рэдакцыя «Белсата» даведалася пра прызначэнне новай кіраўніцы — Аліны Коўшык.

Выканаўца абавязкаў дырэктара канала Аляксей Дзікавіцкі меўся заставацца на пасадзе да 3 снежня, аднак датэрмінова падаў заяву аб звальненні ўжо ад 22 лістапада. 

Пасля сыходу Дзікавіцкага і прызначэння на пасаду галоўнай рэдактаркі ў калектыве ўзнік канфлікт, праявай якога стала няпростае інтэрв'ю з Коўшык, якое ўзяў Сяргей Падсасонны. 

29 снежня Ігар Кулей правёў апошнюю перадачу на «Белсаце» і таксама пайшоў з канала. 

Каментары74

  • Казачны дабратвор
    05.01.2025
    Падсасонны запомніцца нам найперш як аўтар адыёзнай кніжкі пра рускага пісьменніка. Бывай, дзядька! На тваё месца, спадзяюся, прыйдуць годныя маладыя журналісты.
  • Ноўнэйм
    05.01.2025
    "Атмасфера шчырасці і праўды" па-падсасонаўску - гэта магчымасць хаміць і размаўляць у зняважальны тоне тым, з кім бярэш інтэрв'ю.
  • Алесь
    05.01.2025
    Падсасоны был моим любимым ведущим.
    Надеюсь белорусы смогут открыть свой канал.

Цяпер чытаюць

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?1

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?

Усе навіны →
Усе навіны

«Флагшток» склаў карту начных пралётаў дронаў над Гомельшчынай. Сітуацыя незвычайная6

Памёр былы прэзідэнт Румыніі, які адыграў ключавую ролю пры звяржэнні Чаўшэску

Зяленскі расказаў, як вайна паўплывала на яго здароўе5

Прэзідэнтку Швейцарыі абвінавачваюць у нанясенні краіне мільярдных стратаў, бо не ўмела размаўляць з Трампам7

Вячорка адказаў Кавалеўскаму, які «нечакана развярнуў свае пазіцыі на 180 градусаў»: Ні ў якім разе самім не паніжаць стаўкі13

На eBay прадаюць беларускую манету за 2750 даляраў

Германія перад вучэннямі «Захад-2025» перакідае свае знішчальнікі ў Польшчу

Саша Філіпенка пасля забароны продажу «Слана» ў Беларусі выклаў яго ў інтэрнэт5

Лукашэнка сваім указам абмежаваў хуткасць электрасамакатаў на тратуарах да 10 км/г24

больш чытаных навін
больш лайканых навін

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?1

Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?

Галоўнае
Усе навіны →

Заўвага:

 

 

 

 

Закрыць Паведаміць