За 2024 год у Беларусь заляцелі 395 дронаў з Расіі і Украіны. Большасць з іх — шахеды
Пік прыпаў на лістапад і снежань.
За снежань у паветраную прастору Беларусі зайшло не менш за 145 расійскіх дронаў-камікадзэ «Шахед».
36 дронаў вярнуліся ва Украіну і Расію, а 109 зніклі, піша «Беларускі Гаюн».
Агулам за 2024 год «Беларускі Гаюн» зафіксаваў 395 парушэнняў паветранай прасторы Беларусі дронамі з Украіны і Расіі, сярод іх 5 разведвальных дронаў.
За год пацверджана 10 выпадкаў збіцця або падзення шахедаў у Беларусі і Латвіі, а таксама адзін выпадак разбурэння будынка ў выніку падзення БПЛА.
Канчатковыя дадзеныя за 2024 год з разбіўкай па месяцах выглядаюць наступным чынам:
- Ліпень — 9 штук
- Жнівень — 12
- Верасень — 29
- Кастрычнік — 49
- Лістапад — 151
- Снежань — 145
З 395 БПЛА за 2024 год:
- 196 вярнуліся ва Украіну і Расію;
- 189 зніклі;
- 10 былі збітыя/упалі ў Беларусі і Латвіі.
Пакуль няма падстаў меркаваць, што залёты расійскіх шахедаў у Беларусь у бліжэйшы час спыняцца.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары