Пракуратура Лейпцыга не выявіла складу злачынства ў дзеяннях дэпутата Дорнау ў Беларусі
Нямецкага бізнэсмена і дэпутата зямлі Саксонія ад ультраправай партыі «Альтэрнатыва для Германіі» Ёрга Дорнау падазравалі ў выкарыстанні працы беларускіх палітвязняў. Але нямецкая пракуратура паведаміла, што з юрыдычных прычын ёй не ўдалося выявіць першапачатковыя прыкметы злачынства, якое магло б быць пераследавана паводле законаў Германіі, піша «Позірк».
У прэс-рэлізе пракуратуры адзначаецца, што Дорнау «абвінавачваўся ў працаўладкаванні людзей, у тым ліку палітвязняў, на ферме, якой ён кіраваў у Беларусі». Скарга «заснаваная на паведамленнях СМІ пра апісанне падзей былым вязнем, які, паводле яго слоў, не быў абавязаны прымаць прапанову працы на ферме».
«Аднак замест знаходжання ў вязніцы ён аддаў перавагу працы на цыбульнай ферме. Праца не была прымусовай, але ўмовы ў турме былі катавальнымі», — зрабіла заключэнне пракуратура.
У рэлізе адзначаецца, што
«ў адпаведнасці з цяперашняй прававой сітуацыяй і крымінальнымі правапарушэннямі, пералічанымі ў артыкуле 6 Крымінальнага кодэкса, крымінальны пераслед заснаваны на так званым універсальным прававым прынцыпе і, такім чынам, не залежыць ад месца злачынства, закона месца злачынства і грамадзянства асобы. У дадзеным выпадку абвінавачанне было магчымае толькі ў адносінах злачынства гандлю людзьмі (артыкул 232 КК Германіі). Аднак, сыходзячы з вядомых на сёння фактаў, гэтага не існуе».
Іншыя магчымыя правапарушэнні, «такія як прымусовая праца (арт. 232б) і эксплуатацыя працы (арт. 233), могуць пераследавацца ў Германіі толькі ў выпадку, калі яны здзейсненыя за мяжой (як тут, у Беларусі), калі злачынца з’яўляецца немцам на момант здзяйснення злачынства», гаворыцца ў рэлізе.
«Нават калі пры апісаных абставінах у Германіі магла мець месца злачынная эксплуатацыя працы (арт. 233 КК), у Беларусі апісаная сітуацыя караецца толькі ў выпадку прымусовай працы. Аднак, паколькі доказаў гэтага няма, злачынства, у якім абвінавачваецца абвінавачаны, не можа пераследавацца ў Германіі адпаведна арт. 7 Крымінальнага кодэкса, нават калі злачынец з’яўляецца грамадзянінам Германіі», — лічаць у пракуратуры.
«Таму пракуратура Лейпцыга ўстрымалася ад пачатку расследавання з прававых прычын», — гаворыцца ў дакуменце.
Разгляд кейса Ёрга Дорнау пачаўся пасля публікацыі беларускіх журналістаў пра тое, што да працы фірмы «Цыбулька-Бел», якая часткова належыць нямецкаму бізнэсмену, прыцягваюць адміністрацыйна асуджаных, у тым ліку па палітычных матывах.
Адвакат нямецкага дэпутата Дорнау пацвердзіў, што на ягоным беларускім прадпрыемстве выкарыстоўвалі працу зняволеных
«Рэпутацыйная шкода велізарная». Ад цыбульнага плантатара Ёрга Дорнау дыстанцыруецца нават «Альтэрнатыва для Германіі»
Можа «ўскрыць раны нацызму» — што гавораць нямецкія дэпутаты пра бізнэс іх калегі ў Лідзе, дзе працуюць палітвязні
Дэпутат нямецкай ультраправай партыі некалькі разоў таемна сустракаўся з прадстаўнікамі рэжыму Лукашэнкі
Дэпутату ад «Альтэрнатывы для Германіі» пагражае вялікі штраф. Ён утаіў свой бізнэс у Беларусі
Каментары
Хто вас там папуасаў ведае, як у вас там заведзена.
Можа без прымусу ніхто і працаваць не будзе.
Ды і увогуле які тут прымус? Хочаш працуй, не хочаш - сядзі. Свая воля.