«Тры-пяць разоў перакуліліся»: Аляксандр Саладуха з сынам трапіў у жудаснае ДТЗ — ФОТЫ
Аляксандр Саладуха-малодшы апублікаваў у сацсетках фота перакуленага чырвонага Renault Sandero, побач з якім валяецца букет у ружова-зялёнай абгортцы.
Сын Саладухі ўдакладніў, што застаўся жывы, хоць машына перакулілася 3-5 разоў. Як стала вядома «Нашай Ніве», аварыя адбылася каля Оршы, а прычынай таго, што аўто вылецела з трасы, стала слізкая дарога. Сам Аляксандр Саладуха-старэйшы таксама знаходзіўся ў гэтай машыне.
Адзначым, што менавіта ў Оршы 6-7 снежня праходзіць «Марафон адзінства» — агітацыйная кампанія ў падтрымку дыктатуры Аляксандра Лукашэнкі пад выглядам забаўляльных мерапрыемстваў, якую праводзіць нявестка Лукашэнкі Ганна за грошы з дзяржаўнага бюджэту.
Аляксандр Саладуха-малодшы — адзін са старэйшых сыноў заслужанага артыста Беларусі (у першым шлюбе ў Саладухі-старэйшага нарадзіліся блізняты, аднаго з якіх назвалі ў гонар таты). Перыядычна абодва Аляксандры спяваюць разам.
Дарэчы, зусім нядаўна Аляксандр Саладуха-малодшы другі раз ажаніўся. Ад першага шлюбу ў яго ёсць дачка. Той самы чырвоны Renault Sandero Саладуха-старэйшы падарыў сыну ў 2020 годзе з нагоды нараджэння дзіцяці.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары