Крыніцы тэлеканала «Белсат» паведамляюць, што следства ў справе арыштаваных мужа і жонкі Аляксандра і Ірыны Лебедзь з Навагрудка распарадзілася накласці арышт на ўсю іхнюю маёмасць. Такая ж сітуацыя ў Вольгі Аляшкевіч і Таццяны Палубок.
У актывіста Ігара Хіневіча забралі ўсе наяўныя грошы. У выніку гэтых дзеянняў ягоная сям'я засталася без сродкаў да існавання.
Перад гэтам 30 кастрычніка ў Наваградку адбылася аблава сілавікоў на мясцовых жыхароў. Паводле жыхароў горада, гэта былі супрацоўнікі ГУБАЗіКа.
Некаторых затрыманых сілавікі самі ў іх тэлефонах падпісвалі на тэлеграм-каналы, прызнаныя рэжымам экстрэмісцкімі. Пасля ператрусаў затрыманых адвозілі ў Гродна на допыт. Некалькіх чалавек адпусцілі, астатніх да суда пакінулі ў следчым ізалятары. З усіх бралі падпіску аб неразгалошванні. Да гэтага часу невядомая дакладная колькасць затрыманых
Як мінімум шэсць чалавек застаюцца пад вартай. Супраць іх заведзеныя крымінальныя справы. Крыніцы паведамляюць, што супрацоўнікі ГУБАЗіКа падазраюць арыштаваных у адміністраванні тэлеграм-чата «Партызаны Навагрудка».
Суда па справе чакаюць Вольга Аляшкевіч, Таццяна Палубок, Аляксандр і Ірына Лебедзі, Ігар Хіневіч. Імёны іншых затрыманых пакуль не раскрываюцца.
У снежні пачнуць судзіць палітзняволеную маці траіх непаўналетніх дзяцей
«20 сутак правёў у камеры з вар'ятам без адной рукі». Маналог палітвязня, які трапіў у калонію за 8 рублёў шкоды
У Гомелі асудзілі ўкраінца і двух беларусаў за «агентурную дзейнасць» і «здраду дзяржаве». Летась пра іх паказвалі фільм
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары