Па стане на 31 кастрычніка афіцыйна пацверджаная гібель 158 чалавек у выніку адной з самых разбуральных паводак у гісторыі Іспаніі. Гэтую лічбу называе выданне El País са спасылку на інфармацыю ўладаў.
Апошнія звесткі пра загінулых былі апублікаваныя пасля таго, як у чацвер ратавальнікі выявілі целы яшчэ васьмі чалавек, заблакаваных у затопленым гаражы.
Найбольш складаная сітуацыя з-за шторму Dana склалася менавіта ў Валенсіі на поўдні краіны, дзе ахвярамі стыхіі сталі ўжо 155 чалавек. У прыгарадзе Валенсіі Пайпортэ з насельніцтвам 25 тысяч чалавек загінулі 40 жыхароў. Улады рэкамендавалі жыхарам пацярпелых рэгіёнаў не пакідаць дамы. У рэгіёне да гэтага часу не адменены чырвоны ўзровень небяспекі.
Па адным чалавеку загінулі ў Кастыліі-Ла-Манча і Андалусіі, а месца гібелі яшчэ аднаго чалавека не ўдакладняецца.
З-за разбурэнняў і велізарнай колькасці кінутай тэхнікі ў Іспаніі па-ранейшаму закрыта каля 150 дарог. На іх расчыстку мабілізаваныя валанцёры і вайскоўцы.
Шторм абрынуўся на Іспанію, а перадусім на Валенсію, увечары 29 кастрычніка. Раней мясцовыя ўлады паведамлялі пра 72 загінулых.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6060
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне60
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары