Грамадства66

Турарбекава назвала два важныя адрозненні беларусаў

Палітолаг і былая выкладчыца БДУ Роза Турарбекава пераехала ў Беларусь з Казахстана. У новым выпуску ТОКу яна паразважала, у чым адрозненне беларусаў ад казахаў.

Палітолаг Роза Турарбекава. Скрын відэа ТОКу

Адно з адрозненняў — стаўленне да грошай.

«Беларусы — людзі вельмі рацыянальныя, умеюць лічыць, не раскідваюцца грашыма. Гэта не азначае скнарства, гэта зусім іншы ўзровень», — падзялілася яна назіраннямі.

Казахі ж, кажа Турарбекава, не проста хлебасольныя.

«Гэта проста направа і налева раздача. Бо ўсё, што матэрыяльнае, яно некаштоўнае, а каштоўныя людзі». 

Казахі — качавы народ, падкрэслівае палітолаг, а таму матэрыяльнае ўспрымалася як дадатковая ноша, якую трэба цягнуць. А чалавек — гэта крыніца інфармацыі, той, хто можа дапамагчы са скацінай.

Яшчэ адна адметнасць беларусаў — маўклівасць.

«Мне мае сяброўкі беларускія казалі: «Маўчы, будзь разумнай». Для мяне гэта нібыта я на іншай планеце апынулася. У казахаў нельга маўчаць. Калі ты маўчыш, ты нешта хаваеш. Відаць, дрэнную задуму».

Роза згадвае, як, калі пачала выкладаць беларускім студэнтам, не магла зразумець, падабаецца ім ці не. Бо казахскія студэнты засыпаюць пытаннямі і каментарамі, а беларусы проста маўчаць. Тады яе муж Павел Церашковіч, які таксама выкладаў ва ўніверсітэце, папрасіў Розу паказаць журнал наведвальнасці. І сказаў пасля: студэнтам цікавыя твае лекцыі, бо мала адсутных.

Палітолаг згадвае, як назіральніца на выбарах падзялілася з ёй высновай, якую Турарбекава запомніла назаўсёды: «Беларусы галасуюць нагамі».

«І яшчэ адзін момант, што я вынесла пра беларусаў: маўчанне не ёсць знак згоды. Я заўсёды гэта кажу ўсім сваім калегам, хто не беларусы. Кажу: вы іх не ведаеце.

«Добрыя такія, талерантныя людзі, вельмі прыемныя». Кажу: яны ўсім прыемныя, таму што яны маўчаць. «Ну так, маўчаць, значыць, згодныя, значыць, усё добра». Я кажу: не, маўчанне ў беларусаў не знак згоды. Гэта знак чаго заўгодна. Беларусы на ўсякі выпадак маўчаць. Казахі на ўсякі выпадак якраз-такі гавораць».

Глядзіце выпуск цалкам:

Каментары6

  • бабруйчанін
    15.08.2024
    Ен маўчыць і пасміхаецца .Маўчыць і пасміхаецца ..і нічога ні кажа .((( у свой бок)).Памятаю вееельмі раздражняла раздражняе падобные паводзіны ...
  • Acab
    15.08.2024
    Выдумляюць нацыі, а пазьней адрозьненьні паміж імі.
    Богаабраны народ, грошы здатны лічыць, а іншыя - не.
    • бабруйчанін
      15.08.2024
      Acab, Азірнісь вакол па колу На ўсход ..я адрозніваю.На поўдзень ні меньш розніца ..На захад поўнач)) Наконт " яхвэабранымі" ты з нейкім паблытал ? Ні з нашым счасцем Мы добра вучымся і вучань лепш за настаўніка
      Займі денег У кого ??

Цяпер чытаюць

«Туфлі — 400 рублёў». Выпускнікі дзеляцца, у колькі абышліся іх вобразы8

«Туфлі — 400 рублёў». Выпускнікі дзеляцца, у колькі абышліся іх вобразы

Усе навіны →
Усе навіны

Пчолы захапілі веласіпед мінчука, пакуль ён быў у краме ФОТАФАКТ5

Гігін агучыў сваю версію нацыянальнай ідэі61

Беларускі трэш-стрымер Mellstroy арандаваў раскошны дом у Кіпры за $500 тысяч на год5

«Мяне мама заб'е». Моладзь вылецела ў кювет на хуткасці 160 кіламетраў у гадзіну ВІДЭА12

Індыйскі мільярдэр памёр пасля таго, як праглынуў пчалу падчас гульні ў пола2

Дэталі аперацыі «Масада»: Ізраіль некалькі месяцаў таемна прывозіў запчасткі для дронаў і боепрыпасы ў Іран1

Ізраіль ударыў па Тэгеране. Атакавана таксама штаб-кватэра Мінабароны Ірана3

Папулярная гродзенская блогерка прарэкламавала краму з таварамі, вырабленымі ў калоніях. Аўдыторыя не ацаніла11

У Беларусі на вуліцах з’явіліся чырвоныя канапы. Вось што гэта значыць5

больш чытаных навін
больш лайканых навін

«Туфлі — 400 рублёў». Выпускнікі дзеляцца, у колькі абышліся іх вобразы8

«Туфлі — 400 рублёў». Выпускнікі дзеляцца, у колькі абышліся іх вобразы

Галоўнае
Усе навіны →

Заўвага:

 

 

 

 

Закрыць Паведаміць