Грамадства1414

Што азначае закрыццё рэкрутынгавага цэнтра палка Каліноўскага ў Варшаве?

Павел Кухта, начальнік арганізацыі ў Варшаве, праз якую набіралі беларускіх добраахвотнікаў, абвесціў аб яе закрыцці. Можна падумаць, што набор беларусаў у полк Каліноўскага спыняецца, але гэта не так.

Каліноўцы ўздымаюць нацыянальны беларускі сцяг. Фота: прэс-служба палка Каліноўскага

«Я, Павел Кухта, кіраўнік мабілізацыйнага цэнтра палка імя Кастуся Каліноўскага, вымушаны паведаміць, што рэкрутынгавы цэнтр у Варшаве больш не дзейнічае ў сувязі з рашэннем кіраўніцтва Інтэрнацыянальнага легіёна праводзіць рэкрутынг беларусаў праз іх уласную сістэму ва Украіне, — кажа ў звароце Кухта. — Мы са шкадаваннем прынялі гэтую навіну, бо наш цэнтр дазваляў беларусам хутка і бяспечна трапляць у полк Каліноўскага і праходзіць навучанне на ўласнай базе разам з іншымі беларусамі».

Якія будуць практычныя наступствы гэтага? Няўжо набор беларускіх добраахвотнікаў цалкам спыняецца? 

Суразмоўцы «Нашай Нівы», абазнаныя ў справах палка і блізкія да цяперашняга камандавання, кажуць, што прынцыпова не змяняецца нічога. Чат-бот палка працуе.

Пры заходзе на сайт палка Каліноўскага можна ўбачыць кнопку «рэкрутам», якая вядзе на тэлеграм-бот, у якім ахвотным раскажуць пра алгарытм дзеянняў для праезду ва Украіну і ўступлення ў Інтэрнацыянальны легіён, да якога належыць і полк імя Кастуся Каліноўскага. 

Адтуль чалавек будзе размеркаваны ў беларускае падраздзяленне. 

«Часы змяніліся. Вялікага сэнсу ў пасярэдніках у Варшаве няма, беларускае падраздзяленне падпарадкаванае ўкраінскаму камандаванню, і ўся тая падрыхтоўчая работа, якая праводзілася ў Варшаве, можа і будзе праводзіцца ва Украіне, дзе і ідзе вайна», — з такім меркаваннем салідарызуюцца апытаныя намі байцы. 

Людзі таксама кажуць, што цэнтр у Варшаве можна было б і не разганяць, але гэта ўсё наступствы барацьбы за ўладу ўнутры арганізацыі. Маўляў, Павел Кухта больш лаяльны папярэдняму кіраўніцтву, і тое, што з ім не знайшлі агульнай мовы новыя начальнікі — справа лагічная.

Тэлеграм-канал палка, у якім было апублікавана паведамленне Кухты, па сцверджаннях цяперашніх і былых байцоў, кантралюецца адхіленымі ад камандавання людзьмі — Міколам Дземідзенкам і Арцёмам «Ванішам» Войнічам. 

Рэкрутынгавы цэнтр у Варшаве сыграў ролю ў 2022 годзе, калі масы актыўных беларусаў, якія аказаліся ў эміграцыі і хацелі дапамагчы Украіне ваяваць з расійскім фашызмам, маглі цэнтралізавана, групамі, з аднаго месца выязджаць ва Украіну. Прайшоўшы пры гэтым базавую медыцынскую і іншую падрыхтоўку ў час чакання дазволу на ўезд. 

Цяпер жа дазволы на ўезд будуць выдавацца праз дыпламатычныя ўстановы Украіны ў індывідуальным парадку, сыходзячы з вынікаў сумоўя. 

Каментары14

  • Павло
    02.08.2024
    Ахаха дзіва дзіўнае, а не журналісты
  • Avenged Sevenfold
    02.08.2024
    «Цяпер жа дазволы на ўезд будуць выдавацца праз дыпламатычныя ўстановы Украіны ў індывідуальным парадку, сыходзячы з вынікаў сумоўя. »

    Хіба ўжо бязвіз адмянілі для замежнікаў?
    Заехаў ды рэкрутуйся на месцы.
  • Кастусь
    02.08.2024
    Avenged Sevenfold, тебя с бссровским пачпортом никто не пустит в Украину))

Цяпер чытаюць

За палітыку асудзілі шматдзетнага бацьку-верніка. Яго жонка памерла два гады таму3

За палітыку асудзілі шматдзетнага бацьку-верніка. Яго жонка памерла два гады таму

Усе навіны →
Усе навіны

Усплёскі заказаў піцы каля Пентагона маглі сведчыць пра будучую атаку на Іран9

Дырэктарка дзіцячага цэнтра, дзе размаўляюць выключна на рускай, абвінавачвае чыноўнікаў і дзяржаўных журналістаў у хлусні27

Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода1

У выніку ўдараў Ізраіля па Іране ліквідаваныя дзевяць вядучых фізікаў-ядзершчыкаў4

Рабаванні, згвалтаванні і нават крадзеж адзення з труны: Мінск крымінальны пры Сталіне2

Зяленскі: Лукашэнка баіцца і перанясе вучэнні далей ад мяжы з Украінай16

Ініцыятыва Maldzis вяртае старадрук Сімяона Полацкага11

Марадона падчас свайго візіту ў Беларусь не захацеў сустракацца з Румасам1

Лукашэнка пракаментаваў збіццё сабакі ў Гродне і расказаў пра сваё трапяткое стаўленне да жывёл10

больш чытаных навін
больш лайканых навін

За палітыку асудзілі шматдзетнага бацьку-верніка. Яго жонка памерла два гады таму3

За палітыку асудзілі шматдзетнага бацьку-верніка. Яго жонка памерла два гады таму

Галоўнае
Усе навіны →

Заўвага:

 

 

 

 

Закрыць Паведаміць