У Германіі памёр карлікавы кот Фрэнсіс, які стаў зоркай сацсетак
Пра смерць унікальнага 14-гадовага ката Фрэнсіса, які да канца жыцця выглядаў як малое кацяня, паведаміла ягоная гаспадыня Меліна на адмыслова прысвечанай гадаванцу старонцы ў інстаграме. Мы пісалі пра гэтую ўнікальную жывёліну ўсяго 10 дзён таму.
Паводле гаспадыні, кот Фрэнсіс, нягледзячы на вельмі сталыя для гэтых жывёлін гады, памёр неспадзявана:
«Гэта здарылася так раптоўна, ён быў усё яшчэ ў такой форме і не паказваў ніякіх прыкмет старэння», — напісала засмучаная жанчына.
«Фрэнсіс быў маёй роднаснай душой, і я так сумую па ім. Ён зрабіў свет лепшым», — піша яна.
У 2010 годзе кацяня знайшлі ў Берліне. Яго выратавалі будаўнікі і аддалі бацькам Меліны. Яны назвалі яго Фрэнсіс і ў той час яшчэ не ведалі, што ён застанецца зусім маленькім.
Але аказалася, што ў жывёліны рэдкае генетычнае захворванне, і Фрэнсіс аказаўся карлікавым катом.
Уласна, гэтая асаблівасць і прыцягвала да яго ўвагу. Меліна вяла акаўнты Фрэнсіса ў сацсетках. У інстаграме ў яго было 810 тысяч падпісчыкаў (у знакамітага ўкраінскага ката Сцяпана — 1,4 млн).
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак18
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары