U Hiermanii pamior karlikavy kot Frensis, jaki staŭ zorkaj sacsietak
Pra śmierć unikalnaha 14-hadovaha kata Frensisa, jaki da kanca žyćcia vyhladaŭ jak małoje kaciania, paviedamiła jahonaja haspadynia Mielina na admysłova pryśviečanaj hadavancu staroncy ŭ instahramie. My pisali pra hetuju ŭnikalnuju žyviolinu ŭsiaho 10 dzion tamu.
Pavodle haspadyni, kot Frensis, niahledziačy na vielmi stałyja dla hetych žyviolin hady, pamior niespadziavana:
«Heta zdaryłasia tak raptoŭna, jon byŭ usio jašče ŭ takoj formie i nie pakazvaŭ nijakich prykmiet stareńnia», — napisała zasmučanaja žančyna.
«Frensis byŭ majoj rodnasnaj dušoj, i ja tak sumuju pa im. Jon zrabiŭ śviet lepšym», — piša jana.
U 2010 hodzie kaciania znajšli ŭ Bierlinie. Jaho vyratavali budaŭniki i addali baćkam Mieliny. Jany nazvali jaho Frensis i ŭ toj čas jašče nie viedali, što jon zastaniecca zusim maleńkim.
Ale akazałasia, što ŭ žyvioliny redkaje hienietyčnaje zachvorvańnie, i Frensis akazaŭsia karlikavym katom.
Ułasna, hetaja asablivaść i pryciahvała da jaho ŭvahu. Mielina viała akaŭnty Frensisa ŭ sacsietkach. U instahramie ŭ jaho było 810 tysiač padpisčykaŭ (u znakamitaha ŭkrainskaha kata Ściapana — 1,4 młn).
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž14
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary