У Іране прысудзілі да смяротнай кары вядомага рэпера, які ўдзельнічаў у антыўрадавых пратэстах
Першапачаткова яму далі шэсць гадоў турмы.
Улады Ірана прыгаварылі да смяротнай кары папулярнага рэпера Тамаджа Салехі, які ўдзельнічаў у антыўрадавых пратэстах 2022—2023 гадоў. Аб гэтым паведамляюць агенцтва Reuters і праваабарончая арганізацыя Iran Human Rights (IHR).
Праваабаронцы ўдакладнілі, што Салехі прызналі вінаватым у «распаўсюдзе карупцыі на зямлі» (тэрмін, які іранскія ўлады выкарыстоўваюць для абазначэння шырокага кола злачынстваў, у тым ліку звязаных з ісламскай мараллю), піша «Настоящее время».
Адвакат Салехі Мустафа Нэлі заявіў, што будзе абскарджваць смяротны прысуд.
Артыста затрымалі і пасля арыштавалі ў кастрычніку 2022 года. Яго абвінавацілі ў падтрымцы пратэстоўцаў супраць урада, у тым ліку, у сваіх песнях і публічных выказваннях. У 2023 годзе Вярхоўны суд Ірана прыгаварыў Салехі да шасці гадоў і трох месяцаў турмы.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак10
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары