«Радыё Марыя ў Беларусі» можа страціць памяшканне, таму просіць пра дапамогу
Калі б удалося выкупіць будынак, які арандуе рэдакцыя, гэта дало б магчымасць не толькі пашырыць студыю, але і ўладкаваць там жыллё для святара дырэктара, якому няма дзе жыць, і пабудаваць капліцу. Але на гэта трэба 140 тысяч даляраў.
Рэдакцыя рэлігійнага «Радыё Марыя ў Беларусі», якое стварае не толькі выключна каталіцкі, але і багаты культурны, краязнаўчы кантэнт, сутыкнулася з новай сур'ёзнай праблемай. Цяпер гаворка ідзе не пра цяжкасці з выплатамі заробкаў, а пра магчымую страту памяшкання рэдакцыі, піша katolik.life.
Будынак, у якім радыё арандуе памяшканне, прададзены, таму рэдакцыя павінна пакінуць яго праз 3 месяцы:
«Выезд для нас — не проста «задача», гэта як раз «праблема». Бо нашы патрабаванні да памяшкання занадта высокія, а нашы магчымасці занадта малыя. У гэтай сувязі мы крычым і просім аб дапамозе»»
У рэдакцыі бачаць два выйсці Адзін з іх — самім выкупіць будынак:
«Першы план — на ўзроўні цуду. Але мы каталікі, цуды з намі здараюцца. Мы хочам… паспрабаваць самім купіць гэты дом. Аванс ад новага ўласніка яшчэ не атрыманы, таму можна паспрабаваць. Трэба «ўсяго толькі» 140 000 даляраў, і ён можа стаць нашым. І гэта адразу дае нам шмат стромкіх магчымасцяў. Ад пашырэння студыі і арганізацыі жылля для ксяндза дырэктара (бо яму няма дзе жыць), да пабудовы капліцы».
План «Б» — тэрмінова знайсці іншае памяшканне — не нашмат лягчэй. У рэдакцыі патлумачылі, чаму і папрасілі аб дапамозе ідэямі, прапановамі і фінансамі.
***
«Радыё Марыя» — міжнароднае хрысціянскае радыё, якое было заснавана ў 1963 годзе ў Італіі як парафіяльная радыёстанцыя. Асноўнай мэтай стварэння радыёстанцыі стала інфармаванне парафіян аб жыцці касцёла і дапамога ім у штодзённай малітве праз літургію і разважанне над Божым словам. З цягам часу вырасла ў агульна італьянскае, а потым і міжнароднае радыё'.
Сёння «Радыё Марыя» гучаць 77 краінах свету (у тым ліку ў 28 краінах у Еўропе, 22 у Амерыцы, 21 у Афрыцы) Эфір вядзецца на роднай мове кожнага народа. У Беларусі пачало вяшчанне ў 2016 годзе.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»36
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
U plebanijach ci klaštarach pašukali b pamiaškanni.