«Radyjo Maryja ŭ Biełarusi» moža stracić pamiaškańnie, tamu prosić pra dapamohu
Kali b udałosia vykupić budynak, jaki aranduje redakcyja, heta dało b mahčymaść nie tolki pašyryć studyju, ale i ŭładkavać tam žyllo dla śviatara dyrektara, jakomu niama dzie žyć, i pabudavać kaplicu. Ale na heta treba 140 tysiač dalaraŭ.
Redakcyja relihijnaha «Radyjo Maryja ŭ Biełarusi», jakoje stvaraje nie tolki vyklučna katalicki, ale i bahaty kulturny, krajaznaŭčy kantent, sutyknułasia z novaj surjoznaj prablemaj. Ciapier havorka idzie nie pra ciažkaści z vypłatami zarobkaŭ, a pra mahčymuju stratu pamiaškańnia redakcyi, piša katolik.life.
Budynak, u jakim radyjo aranduje pamiaškańnie, pradadzieny, tamu redakcyja pavinna pakinuć jaho praz 3 miesiacy:
«Vyjezd dla nas — nie prosta «zadača», heta jak raz «prablema». Bo našy patrabavańni da pamiaškańnia zanadta vysokija, a našy mahčymaści zanadta małyja. U hetaj suviazi my kryčym i prosim ab dapamozie»»
U redakcyi bačać dva vyjści Adzin ź ich — samim vykupić budynak:
«Pieršy płan — na ŭzroŭni cudu. Ale my kataliki, cudy z nami zdarajucca. My chočam… pasprabavać samim kupić hety dom. Avans ad novaha ŭłaśnika jašče nie atrymany, tamu možna pasprabavać. Treba «ŭsiaho tolki» 140 000 dalaraŭ, i jon moža stać našym. I heta adrazu daje nam šmat stromkich mahčymaściaŭ. Ad pašyreńnia studyi i arhanizacyi žylla dla ksiandza dyrektara (bo jamu niama dzie žyć), da pabudovy kaplicy».
Płan «B» — terminova znajści inšaje pamiaškańnie — nie našmat lahčej. U redakcyi patłumačyli, čamu i paprasili ab dapamozie idejami, prapanovami i finansami.
***
«Radyjo Maryja» — mižnarodnaje chryścijanskaje radyjo, jakoje było zasnavana ŭ 1963 hodzie ŭ Italii jak parafijalnaja radyjostancyja. Asnoŭnaj metaj stvareńnia radyjostancyi stała infarmavańnie parafijan ab žyćci kaścioła i dapamoha im u štodzionnaj malitvie praź liturhiju i razvažańnie nad Božym słovam. Ź ciaham času vyrasła ŭ ahulna italjanskaje, a potym i mižnarodnaje radyjo'.
Siońnia «Radyjo Maryja» hučać 77 krainach śvietu (u tym liku ŭ 28 krainach u Jeŭropie, 22 u Amierycy, 21 u Afrycy) Efir viadziecca na rodnaj movie kožnaha naroda. U Biełarusi pačało viaščańnie ŭ 2016 hodzie.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
U plebanijach ci klaštarach pašukali b pamiaškanni.