Каталіцкія манашкі ў Мінску зладзілі на Вялікдзень прабег на самакатах
Каталіцкія сёстры-дамініканкі ў Мінску зладзілі «Пасхальныя старты». Падчас святкавання Вялікадня, 31 сакавіка, яны праехалі на электрасамакатах па веладарожцы і апублікавалі фота і відэа са святочнага прабегу ў гісторыях на сваіх старонках у сацсетках, піша Katolik.life.
Найбольш папулярны паблік манашак-дамініканак у Беларусі — у Instagram. Яны выкладваюць кароткія ролікі, у якіх у папулярнай, сучаснай і даступнай форме расказваюць і паказваюць, што значыць быць дамініканкай, а таксама развейваюць стэрэатыпы пра манаскае жыццё.
Акрамя таго, сёстры публікуюць разнастайныя відэа пад рубрыкамі «Вера свядомая», «ДНК малітвы», «Знакі і сімвалы хрысціянства», «Духоўныя лайфхакі».
Манашкі актыўна абнаўляюць свае сацсеткі, проста і разумна тлумачаць складаныя пытанні, расказваюць пра сваё штодзённае жыцце і адпачынак.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары