Паплечнікі Аляксея Навальнага прызначылі на 17 сакавіка а 12 гадзіне правядзенне акцыі «Апоўдні супраць Пуціна». Яны заклікалі прыходзіць на выбарчыя ўчасткі ў адзін і той жа час і галасаваць супраць дзейнага прэзідэнта Расіі. Паглядзелі, што адбываецца.
Акцыя пачалася з ўсходніх рэгіёнаў РФ. Вялікая чарга выстраілася каля выбарчага ўчастка ў Новасібірскім дзяржаўным універсітэце.
У мэрыі Новасібірска чэргі растлумачылі мерамі бяспекі.
«У сувязі з тым, што падчас правядзення трохдзённага галасавання на выбарах прэзідэнта Расійскай Федэрацыі ў розных рэгіёнах былі спробы правакатыўных дзеянняў з мэтай дэстабілізацыі працы выбарчых камісій, у Новасібірскай вобласці ўзмоцненыя меры бяспекі на выбарчых участках. Таму сёння ў некаторых памяшканнях для галасавання назіралася вялікая колькасць выбаршчыкаў», — гаворыцца ў паведамленні мэрыі.
Чэргі ўтварыліся таксама ў Екацярынбургу і Чалябінску.
Тлумачэнне чэргам прыдумалі і ў расійскім Цэнтрвыбаркаме. Кіраўніца ЦВК Эла Памфілава заявіла, што колькасць жадаючых прагаласаваць павялічылася пасля выпадкаў псуты скрыні з бюлетэнямі зялёнкай і іншымі фарбуюць рэчывамі.
«Яны настолькі выклікалі буру абурэнняў у людзей, што наадварот, мы заваленыя званкамі, і да мяне пішуць: «Нават не думалі пайсці галасаваць, але цяпер усё адклалі і ідзем галасаваць», — заявіла Памфілава.
Людзі далучаюцца да акцыі і за мяжою. У Арменіі і Казахстане чэргі да ўчасткаў для галасавання расцягнуліся на сотні метраў.
Да пасольства Расіі ў Рызе мясцовыя ўлады звезлі паліцыю і супрацоўнікаў міграцыйнай службы. Частку вуліцы перагарадзілі.
Шалёная чарга стаіць да выбарчага ўчастка ў Гаазе.
У Кішынёве мужчына кінуў бутэльку з запальнай сумессю праз агароджу пасольства Расіі, дзе арганізаваны выбарчы ўчастак. Яго затрымалі.
Цяпер чытаюць
Лукашэнка даручыў Рыжанкову пачаць перамовы з літоўцамі4
Каментары
Толькі 9 жніўня 2020-га і 27 лютага 2022-га некаторыя беларусы слухалі спадарыню Святлану і стваралі такую ж карцінку