Падатковая паклала вока на чаявыя, якія кліенты пакідаюць у кавярнях
У Беларусі хочуць заканадаўча замацаваць паняцце «чаявыя». Навіну паведаміў начальнік Галоўнага ўпраўлення падаткаабкладання фізічных асоб Міністэрства па падатках і зборах Андрэй Кавалеўскі. Ён сказаў, што пытаннем займаюцца «пэўныя дзяржорганы».
Кавалеўскі патлумачыў, што падатковая служба не разглядае чаявыя як дарэнне, паколькі ягоны змест — у бязвыплатным характары перадачы сродкаў.
«Калі я, умоўна кажучы, прыйшоў у якую-небудзь установу грамадскага харчавання, у кавярню, мяне абслужылі, мне спадабалася кухня, мне спадабалася абслугоўванне, я пакідаю чаявыя. Гэта значыць, усё ж такі гэта ўжо не бязвыплатна, гэта значыць, гэта мая дадатковая плата за тое, што мне гэта спадабалася», — заявіў прадстаўнік МПЗ.
Паводле яго слоў, важна вызначыцца, каму будуць належаць чаявыя, таму што іх хоць і пакідаюць канкрэтнаму чалавеку, але ён усё адно працуе на якую-небудзь арганізацыю.
Са слоў Кавалеўскага, незразумела, каму належаць чаявыя: юрыдычнай асобе, уладальніку ўстановы ці супрацоўніку.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
Кгб занімается темі кому советская власть не нравітся Обхсс( отдел по борьбе с хіщеніямі соцсобственности) теми кому советская власть нравится