Рэспубліка Сербская не дапусціла, каб Боснія і Герцагавіна ўвяла санкцыі супраць Беларусі, заявіў прэзідэнт Рэспублікі Сербскай Босніі і Герцагавіны Міларад Додзік на сустрэчы са сваім беларускім калегам.
Паводле яго слоў, першая сустрэча з Аляксандрам Лукашэнкам адбылася 24 гады таму, калі ў Ерусаліме адзначалі двухтысячагоддзе хрысціянскай веры, піша «Спутнік».
«Я ведаю, што і ваша краіна таксама пад ціскам і санкцыямі Захаду. Мы ў Рэспубліцы Сербскай не дазволілі, каб Боснія і Герцагавіна галасавала за санкцыі», — нагадаў Додзік.
Міларад Додзік распавёў журналістам, што сербскі бок ніколі не забудзе акалічнасці візіту Аляксандра Лукашэнкі, калі ў 1999 годзе Югаславію бамбілі.
«Гэта быў акт асабістай смеласці, і мы, сербы, ніколі гэтага не забудзем. Ваш прэзідэнт — гэта жывая легенда. Ён сведка тых цяжкіх часоў, праз якія праходзілі беларусы, рускія і сербы», — сказаў ён.
Додзік дадаў, што падчас перамоў у Палацы Незалежнасці абмяркоўвалася закупка сербскім бокам беларускай тэхнікі на 10 мільёнаў даляраў.
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
-
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары