Стала вядома, у якіх еўрапейскіх гарадах найбольш небяспечна знаходзіцца
Паводле справаздачы Еўрасаюза аб якасці жыцця ў еўрапейскіх гарадах у 2023 годзе, самым небяспечным горадам была прызнана сталіца Італіі — Рым. Нягледзячы на тое, што італьянская сталіца ўваходзіць у лік самых папулярных сярод турыстаў гарадоў, толькі 38% апытаных пагадзіліся, што на вуліцах Рыма бяспечна знаходзіцца ноччу, піша Thinktanks.by.
Другое месца ў гэтым антырэйтынгу заняла грэчаская сталіца Афіны (40%), трэцяе — французскі партовы горад Марсэль (43%). Пра гэта гаворыцца ў апублікаваным афіцыйным дакуменце Еўрасаюза.
У гэтай справаздачы гаворыцца, што людзі адчуваюць сябе ў большай бяспецы ў невялікіх гарадах. У прыватнасці, 75% жыхароў гарадоў з насельніцтвам да 250 тысяч назвалі месца свайго жыхарства бяспечным, а ў гарадах з насельніцтвам ад 1 да 5 мільёнаў жыхароў бяспечна сябе адчуваюць толькі 67%.
Паводле даследавання, у тройку самых бяспечных гарадоў Еўропы ўвайшлі сталіца Даніі Капенгаген, іспанскі горад Аўеда і сталіца Славеніі Любляна — усе яны набралі 87% ухвальных водгукаў.
Спіс дзевяці самых небяспечных гарадоў у 2023 годзе выглядае так:
- Рым, Італія (38%);
- Афіны, Грэцыя (40%);
- Марсэль, Францыя (43%);
- Неапаль, Італія (44%);
- Льеж, Бельгія (44%);
- Стамбул, Турцыя (44%);
- Астрава, Чэхія (45%);
- Мішкальц, Венгрыя (48%);
- Сафія, Балгарыя (48%).
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары