Беларусь і Расія стварылі камісію для «абароны гістарычнай праўды»
Беларусь і Расія займаюцца стварэннем супольнай камісіі, якая, паводле задумы, будзе абараняць «гістарычную праўду» і спрыяць развіццю асветніцкай дзейнасці ў гістарычнай сферы. Пра гэта заявіў пасол Расіі ў Беларусі Барыс Грызлоў.
Адпаведны мемарандум аб узаемаразуменні паміж Міжведамаснай камісіяй гістарычнай асветы пры прэзідэнце Расіі і Рэспубліканскай радай гістарычнай палітыкі пры Лукашэнку быў падпісаны 25 студзеня ў Мінску.
Мемарандумам прадугледжана стварэнне супольнай расійска-беларускай камісіі па гісторыі. Яе мэтай, як мяркуецца, будзе каардынацыя «двухбаковых намаганняў, звязаных з абаронай гістарычнай праўды, захаваннем памяці пра нашую агульную гісторыю, што адлюстроўваецца ў тым ліку ў навучальнай літаратуры, а таксама з развіццём асветніцкай, экспертнай, кансультацыйнай і іншай грамадска значнай дзейнасці ў галіне гісторыі», паведаміў Грызлоў.
Подпісы пад дакументам паставілі старшыня Расійскага ваенна-гістарычнага таварыства Уладзімір Мядзінскі і старшыня адміністрацыі Лукашэнкі Ігар Сергеенка.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары