Грамадства88

«Можа, у нейкай ступені будзе не танна». Для прапагандыстаў Расіі і Беларусі створаць агульны медыяхолдынг

Падрыхтаваны праект пастановы Вышэйшага дзяржсавета аб стварэнні адзінай медыякампаніі Саюзнай дзяржавы. Пра гэта расказаў журналістам дзяржаўны сакратар Саюзнай дзяржавы Дзмітрый Мезенцаў, перадае БЕЛТА.

Дзмітрый Мезенцаў. Фота: БЕЛТА

 «Мы падрыхтавалі праект пастановы ВДС. Прадугледжваецца стварэнне адзінай медыякампаніі Саюзнай дзяржавы, якая возьме на сябе каардынацыю і забяспечыць выпуск на старонках друкаваных выданняў, тэлеканала і інтэрнэт-рэсурснага напрамку (яму шмат будзе ўдзелена ўвагі) таго кантэнту, інфармацыі, якая будзе звязана не толькі з узаемадзеяннем у фарматах Саюзнай дзяржавы.

Пра нашу гісторыю, пра нашы планы, пра тое, як мы рэагуем на той націск, у тым ліку ментальны. Мы хочам, каб гэта быў вельмі цікавы, магутны набор задач, які будзе пад сілу абноўленаму калектыву», — сказаў Мезенцаў.

Тэма стварэння саюзнага медыяхолдынга ўжо абмяркоўваецца на працягу некаторага часу, у тым ліку на вышэйшым узроўні. У красавіку 2023 года на пасяджэнні Вышэйшага дзяржсавета ў Крамлі Аляксандр Лукашэнка сказаў: «Мы з Уладзімірам Уладзіміравічам [Пуціным] дамовіліся яшчэ ў Піцеры, што нам трэба мець сур'ёзны саюзны медыяхолдынг. Трэба ствараць гэты медыяхолдынг. Так, гэта, можа, у нейкай ступені будзе не танна, але калі мы хочам, каб парадак дня гучаў (ёсць пра што гаварыць), трэба ствараць гэты медыяхолдынг, не прыклейваючы яго да нейкіх іншых арганізацый. Пра гэта мы дамовіліся. Але гэта не адразу робіцца. Тым больш што патрэбны пэўныя сродкі».

22 студзеня на сустрэчы ў Мінску Аляксандр Лукашэнка абмеркаваў з Дзмітрыем Мезенцавым падрыхтоўку да чарговага пасяджэння ВДС. Яно павінна прайсці ўжо ў бліжэйшы час.

На зацвярджэнне ўдзельнікаў мерапрыемства плануецца вынесці ў тым ліку праект Асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2024-2026 гады.

Папярэдні такі дакумент ахопліваў 2021-2023 гады і рэалізоўваўся разам з 28 прынятымі саюзнымі праграмамі.

Кардынальнае адрозненне Асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2024-2026 гады ад аналагічнага дакумента на 2021-2023 гады ў тым, што

ў праект на новы трохгадовы перыяд уключаны вялікі блок гуманітарных, культурных і сацыяльных пытанняў, у той час як папярэдні дакумент разам з 28 саюзнымі праграмамі канцэнтраваўся пераважна на эканамічным складніку супрацоўніцтва, прамысловасці, банкаўскай сферы і іншых такіх напрамках.

То-бок, прапагандзе ў так званай Саюзнай дзяржаве будзе надавацца больш увагі.

Каментары8

  • Крымінальны кодэкс
    22.01.2024
    Усіх, хто пойдзе туды працаваць, будзем судзіць за здраду радзіме.
  • Гісторыя скону ўтварэньня Ельціна і Кебіча
    22.01.2024
    Пра нашу гісторыю? Большасьці людзей не цікавіць вашая перапісаная неаднойчы гісторыя.
  • вусаты
    22.01.2024
    вусаты здаў краіну з трыбухамі

Цяпер чытаюць

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі10

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Усе навіны →
Усе навіны

Цела загінулага матацыкліста два дні ляжала на ўзбочыне, бо паліцыі Польшчы і Літвы не змаглі дамовіцца паміж сабой7

Стала вядома, пра што сёння гаварылі ўкраінцы і расіяне ў Стамбуле1

Аператараў дронаў будуць узмацняць баявым экзашкілетам

Расія і Украіна завяршылі перамовы ў Стамбуле. Яны ішлі каля 40 хвілін2

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада16

Міністр замежных спраў Літвы заступіўся за Офіс Ціханоўскай14

Стась Карпаў расказаў пра ўласную траўму, звязаную з дыкам55

«Мы думалі, што гэта ненадоўга». Што беларусам трэба вынесці з тактоўных намёкаў літоўцаў пра мову61

У Мінску з'явілася алея аўтарскіх лавак, створаная па эскізах школьнікаў ШМАТ ФОТАЎ7

больш чытаных навін
больш лайканых навін

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі10

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Галоўнае
Усе навіны →

Заўвага:

 

 

 

 

Закрыць Паведаміць