Жыхар Барысава знайшоў на бульвары Камарова незвычайную птушку: яна не магла лётаць, а з дзюбы ішла кроў. Ён аднёс яе дадому, сагрэў і напаіў вадой, а потым патэлефанаваў у Барысаўскую раённую інспекцыю прыродных рэсурсаў і аховы навакольнага асяроддзя. Аказалася, што ён выратаваў маленькую слонку, паведамляе мясцовая газета «Адзінства».
Спецыялісты высветлілі, што птушка здаровая. Проста яна аказалася слабейшай за сваіх суродзічаў і не змагла даляцець да цёплых краёў.
Да канца тыдня птушка застанецца ў свайго выратавальніка, а затым яе адвязуць у Маладзечна, у цэнтр дапамогі птушкам і жывёлам «Пустальга». Там яе падгадуюць, а тады адпусцяць у прыроду.
Летам у Барысаўскім раёне таксама выратавалі маленькіх сычанят. Іх таксама падгадавалі і выпусцілі ў звыклае асяроддзе пражывання.
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы1
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары