Бацькі Шані Лук, чыё фота абляцела свет, паведамілі, што дзяўчына памерла
Маці выкрадзенай у Ізраілі тэрарыстамі ХАМАС студэнткі Шані Лук пацвердзіла гібель дзяўчыны, пішуць медыя.
«На жаль, учора мы атрымалі навіну пра тое, што маёй дачкі больш няма ў жывых», — сказала Рыкарда Лук тэлеканалам RTL і NTV.
Афіцыйнага пацвярджэння гібелі дзяўчыны пакуль няма.
Раней паведамлялася, што зніклая ў Ізраілі нямецкая дзяўчына Шані Лук знаходзіцца ў цяжкім стане ў бальніцы ў сектары Газа.
Шані Лук прыехала на фестываль Nature Party ў Ізраілі, які быў разгромлены палесцінскімі баевікамі раніцай у суботу. На полі знайшлі больш за 260 цел, многія ўдзельнікі фестывалю былі захопленыя ў палон.
Шані трапіла на відэа, якое распаўсюджвалася ў сацсетках: дзяўчына ляжала ў грузавіку распранутая і моцна збітая.
Маці Шані запісала зварот да тэрарыстаў. Жанчына трымала фатаграфію дачкі на мабільным тэлефоне і гаварыла: «Сёння раніцай маю дачку выкралі разам з групай турыстаў на поўдні Ізраіля. Нам даслалі відэа, на якім я пазнала нашу дачку. Без прытомнасці, у машыне з палесцінцамі, калі яны заязджалі ў сектар Газа. Прашу любой дапамогі, любой інфармацыі».
Да справы падключылася пасольства Нямеччыны.
Каментары