Baćki Šani Łuk, čyjo fota ablacieła śviet, paviedamili, što dziaŭčyna pamierła
Maci vykradzienaj u Izraili terarystami CHAMAS studentki Šani Łuk paćvierdziła hibiel dziaŭčyny, pišuć miedyja.
«Na žal, učora my atrymali navinu pra toje, što majoj dački bolš niama ŭ žyvych», — skazała Rykarda Łuk telekanałam RTL i NTV.
Aficyjnaha paćviardžeńnia hibieli dziaŭčyny pakul niama.
Raniej paviedamlałasia, što źnikłaja ŭ Izraili niamieckaja dziaŭčyna Šani Łuk znachodzicca ŭ ciažkim stanie ŭ balnicy ŭ siektary Haza.
Šani Łuk pryjechała na fiestyval Nature Party ŭ Izraili, jaki byŭ razhromleny paleścinskimi bajevikami ranicaj u subotu. Na poli znajšli bolš za 260 cieł, mnohija ŭdzielniki fiestyvalu byli zachoplenyja ŭ pałon.
Šani trapiła na videa, jakoje raspaŭsiudžvałasia ŭ sacsietkach: dziaŭčyna lažała ŭ hruzaviku raspranutaja i mocna źbitaja.
Maci Šani zapisała zvarot da terarystaŭ. Žančyna trymała fatahrafiju dački na mabilnym telefonie i havaryła: «Siońnia ranicaj maju dačku vykrali razam z hrupaj turystaŭ na poŭdni Izraila. Nam dasłali videa, na jakim ja paznała našu dačku. Biez prytomnaści, u mašynie z paleścincami, kali jany zajazdžali ŭ siektar Haza. Prašu luboj dapamohi, luboj infarmacyi».
Da spravy padklučyłasia pasolstva Niamieččyny.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary