Грамадства99

Былы памочнік Лукашэнкі прадае дом у Драздах. Сума ўражвае, інтэр'еры не асабліва

Сціплая загадчыца кафедры Беларускага дзяржаўнага ўніверсітэта Ларыса Корбут прадае дом на вуліцы Рачной у Мінску за тры мільёны даляраў. Нішто сабе зарабляюць дацэнты? Не, яе муж — Мікалай Корбут, былы начальнік Кіраўніцтва спраў Аляксандра Лукашэнкі. 

Мікалай Корбут узбіўся на дом у Драздах падчас працы ў блізкім коле Аляксандра Лукашэнкі

У пачатку эпохі Лукашэнкі Мікалай Корбут узначальваў «Дыпсэрвіс» — службу абслугоўвання дыпламатычных прадстаўніцтваў, потым атрымаў павышэнне ў намеснікі кіраўніка справамі Лукашэнкі, пазней стаў там кіраўніком. 

Але пасля быў паніжаны ў галоўныя інспектары па Мінскай вобласці — памочнікі кіраўніка дзяржавы. Пасада памочніка Лукашэнкі — гэта найперш кадравая праца, якая не мае дачынення да фінансаў. 

Вярнуцца ва ўладу Корбуту не ўдалося. У 2018-м яго адправілі на пасаду члена Пастаяннага камітэта Саюзнай дзяржавы. Гэта сінекура: працы ніякай, заробкі расійскага памеру — створаная для прывязкі беларускага чынавенства да расійскага. Але і там Корбут надоўга не затрымаўся, апошняя згадка пра яго на сайце гэтай арганізацыі датуецца тым жа 2018 годам. 

мікалай корбут николай корбут
Мікалай Корбут (злева) падчас працы ў Пастаянным камітэце Саюзнай дзяржавы. Фота: postkomsg.com

Крыніцы расказалі «Нашай Ніве», што Корбут перабраўся жыць у Расію і ўжо не мае патрэбы ў катэджы ў Драздах. 

«Каб дом у Драздах меў сэнс, трэба жыць і працаваць у Мінску, круціцца ў Мінску. Калі тут у цябе асаблівых перспектыў няма, ты ўжо глядзіш у бок Расіі, то што табе тыя Дразды», — сказаў наш суразмоўца з апарату Саўміна. 

Фота: realt.by

Паводле звестак з баз «Белпола», дом Корбута, запісаны на жонку Ларысу, загадчыцу кафедры эканомікі і кіравання прадпрыемствамі АПК факультэта эканомікі і менеджменту БДЭУ, знаходзіцца па вуліцы Рачной, і супадае з лакацыяй і выглядам дома ў абвестцы. 

Двухпавярховы катэдж без архітэктурных вымудраў мае плошчу 437 квадратных метраў, з іх жылых — 130. 

Таму, хто захоча аддаць за яго 9,5 мільёна беларускіх рублёў, магчыма, прыйдзецца ўкласціся і ў інтэр'ер, які не кожнаму будзе даспадобы. 

Фота: realt.by
Фота: realt.by

Сам дом пабудаваны ў 2005 годзе з газасілікатных блокаў. 

У доме ёсць лазня, саўна, невялікі басейн, більярдны пакой. Столі вышэйшыя за тры метры. 

Фота: realt.by
Фота: realt.by

У абвестцы асабліва падкрэсліваецца наяўнасць «рэспектабельных суседзяў». 

Фота: realt.by

Дом Корбута агенцтва называе «домам мары». 

Фота: realt.by
Фота: realt.by

Каментары9

  • Mar
    31.10.2023
    Как дом в колхозе, только стоит почему-то 3 млн. Такое чувство, что крепкие хозяйственники как улитки перемещаются вместе со своими деревенскими домами.
  • Kub
    31.10.2023
    Пабагатаму! Звышгустоуна!
  • Ай
    31.10.2023
    Mar, 3 миллиона баксов за какое-то убожество из газосиликатных блоков. Причем интересно было бы посмотреть его декларации доходов за последние 10 лет. В нормальных странах декларации всех чиновников и гос служащих публикуются в открытом доступе, а здесь колхозник создал вокруг себя касты и кланы, которым выдаются любые льготы, преференции, и тд. А с простых смертных налоговая спросит отчитаться за каждый рубль.

Цяпер чытаюць

Беларус стаў Героем Украіны. «Яго мужчынскі пачатак быў вельмі моцны»2

Беларус стаў Героем Украіны. «Яго мужчынскі пачатак быў вельмі моцны»

Усе навіны →
Усе навіны

Пяць гадоў таму арыштавалі Паўла Севярынца1

Эдуарда Малафеева не запрасілі на адкрыццё Нацыянальнага стадыёна6

Трамп: Украіна сама справакавала расійскія ўдары40

Харкаў трапіў пад масіраваную атаку: 40 выбухаў, пажары, ёсць загінулыя і параненыя

У Жыткавіцкім раёне жанчына заразіла ВІЧ 83-гадовага старога7

Пазняк: І рэжым Лукашэнкі, і псеўдаапазіцыя — гэта адно і тое ж143

Ярмошына: Я не пайду ў грамадскую лазню, проста таму што баюся26

Расія не зможа аднавіць страты дальняй авіяцыі пасля ўкраінскай аперацыі «Павуцінне»2

Стартап рабіў выгляд, што ён распрацаваў штучны інтэлект. Насамрэч, ён наняў 700 праграмістаў і яны стваралі прадукты ўручную3

больш чытаных навін
больш лайканых навін

Беларус стаў Героем Украіны. «Яго мужчынскі пачатак быў вельмі моцны»2

Беларус стаў Героем Украіны. «Яго мужчынскі пачатак быў вельмі моцны»

Галоўнае
Усе навіны →

Заўвага:

 

 

 

 

Закрыць Паведаміць