Беларускія чыноўнікі ў новым серыяле едуць у Берлін — вязуць туды традыцыйныя каштоўнасці
«ЧынЧынЧэнэл» выпускае сатырычны трэвел-серыял «ЧынЧыны на колах», які расказвае пра вандроўку беларускіх чыноўнікаў Сяргея Мікалаевіча і Мікалая Сяргеевіча па краінах калектыўнага Захаду.
Першая серыя — пра прыгоды ў сталіцы былога ГДР («ЧынЧыны бяруць Берлін»). Яна будзе апублікавана на ютубе ў дзвюх частках 13 і 27 кастрычніка.
Акрамя чыноўнікаў важную ролю ў новым фільме грае персанаж сакратаркі Тонечкі. «Першапачаткова сакратарка Тонечка была свайго роду ахвярай гвалту патрыярхату, пазбаўленая свайго меркавання, правоў і ў нейкім родзе свабод. Яна не давала ацэнкі дзеянням і падзеям і бяздумна выконвала загады сваіх начальнікаў, прапускаючы міма вушэй іх сэксісцкія жарты і прымаючы за належнае іх аб'юзіўныя паводзіны. Але настаў час вырасці з патрыярхальных штонікаў і нагледзець сабе сукенку па модзе ў свабоднай Еўропе», — каментуе сваю ролю актрыса Нэла Агрэніч.
Каманду «ЧынЧынЧэнэл» вы можаце памятаць па вірусным роліку «Шчучыншчына». Пасля гэтага яны працягнулі здымаць палітычныя пароды і анты-прапагандысцкія камедыйныя скетчы.
«Мне было вельмі цікава зрабіць трэш-трэвел-тэхна-гонза-серыял з высмейваннем прапагандысцкіх штампаў пра тое, як чыноўнікі спрабуюць падмяць пад сябе еўрапейскую рэальнасць, але садзяцца ў лужыну і туды ж удараюць тварам», — адзначае рэжысёр і шоўранар серыяла «ЧынЧыны на колах» Андрэй Кашперскі.
Ці выстаяў Берлін пад прыгнётам сучасных беларускіх каштоўнасцяў? Першая серыя ўжо на ютубе.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма7
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары
і гумар, і відэа (у стылістыцы перабудовачных гадоў) якасныя ⬟
інакш бы Рэд. не змясціў гэта ў рубрыку Кіно