Прэзідэнтка Венгрыі Каталін Новак прыбыла ў Закарпацкую вобласць раніцай 22 жніўня. Новак прыехала ва Украіну напярэдадні III міжнароднага саміта Крымскай платформы, пра яе візіт было вядома загадзя, піша «Украінская праўда».
Новак сустрэлася з кіраўніцтвам абласной ваеннай адміністрацыі, аблсавета, Берагаво і раёна.
На сустрэчах абмеркавалі вынікі і перспектывы ўзмацнення трансгранічнага супрацоўніцтва, у тым ліку і тых праектаў, якія пачалі пасля пачатку поўнамаштабнай вайны.
Таксама Новак плануе сустрэцца з прадстаўнікамі царквы, пагутарыць з сям'ёй аднаго з этнічных венграў, які загінуў абараняючы Украіну, і дзецьмі шматдзетных сем'яў. Пасля гэтага яна адправіцца ў Кіеў.
Гэта будзе другая паездка прэзідэнткі Венгрыі за час поўнамаштабнай вайны —пасля першага прыезду 26 лістапада 2022 года.
Каталін Новак лічыць, што свет павінен перашкодзіць Расіі ўвасобіць яе ваенныя мэты ва Украіне — у той жа час яна супраць таго, каб Будапешт дапамагаў Кіеву зброяй, і лічыць санкцыі неэфектыўнымі.
У сакавіку венгерская прэзідэнтка заявіла аб падтрымцы мірнага плана для Украіны, які не прадугледжвае перамогі Расіі і ў той жа час грунтуецца на «рэалістычных мэтах».
Цяпер чытаюць
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары