Прычынай згортвання дзейнасці «Адкрытага грамадства» ў ЕС стала тое, што інстытуты і ўрады Еўрасаюза трацяць шмат грошай на тыя ж рэчы, якімі займаецца фонд.
Фонд «Адкрытае грамадства», заснаваны філантропам венгерскага паходжання Джорджам Сорасам, вырашыў амаль цалкам згарнуць дзейнасць у Еўрапейскім саюзе, піша «Украінская праўда» са спасылкай на Венгерскую службу «Радыё Свабода».
Прычынай згортвання дзейнасці «Адкрытага грамадства» ў ЕС стала тое, што інстытуты і ўрады Еўрасаюза трацяць шмат грошай на тыя ж рэчы, якімі займаецца фонд. Таму там вырашылі засяродзіцца на іншых частках свету, дзе праца будзе больш эфектыўнай.
У мінулую пятніцу ўсе венгерскія арганізацыі, якія атрымлівалі фінансаванне ад фонду «Адкрытае грамадства», атрымалі ліст з паведамленнем, што фонд фактычна спыняе сваю дзейнасць у Еўрапейскім саюзе і перамяшчае свае рэсурсы ў іншыя часткі свету.
У лісце таксама цытуецца рашэнне рады дырэктараў «Адкрытага грамадства», згодна з якім кіраўніцтва фонду «прыняло рашэнне аб радыкальным змене стратэгічнага кірунку» з мэтай максімізацыі ўплыву рэсурсаў арганізацыі.
Рэарганізацыя фонду запланаваная на наступны год, таму яе еўрапейскія праграмы могуць спыніцца ўжо ў 2024 годзе.
Палітычны дырэктар офіса прэм'ера Венгрыі Балаш Орбан, каментуючы паведамленне аб згортванні працы «Адкрытага грамадства», напісаў: «Мы, венгры, маем гістарычны досвед: мы паверым у тое, што акупацыйныя войскі сапраўды пакідаюць кантынент, толькі тады, калі апошні салдат Сораса пакіне Еўропу і Венгрыю. Да гэтага нам яшчэ далёка…»
Фонд Сораса ў Беларусі дзейнічаў з 1993 года па верасень 1997 года, пакуль яго праца не была спыненая ўладамі. Афіцыйны Мінск абвінаваціў прадстаўніцтва фонду ў падтрымцы апазіцыі.
Каментары