Напярэдадні Дня пажылых людзей, які адзначаецца 1 кастрычніка, у Беларусі чакаецца павышэнне актыўнасці тэлефонных ашуканцаў. У міліцыі папярэдзілі пра новую схему, скіраваную на пенсіянераў.
Паджылым людзям могуць тэлефанаваць невядомыя, якія прадстаўляюцца супрацоўнікамі Фонду сацыяльнай абароны насельніцтва. Яны могуць паведамляць пра нібыта святочныя выплаты да 1 кастрычніка і прапаноўваць «аформіць» іх. Для гэтага ашуканцы спрабуюць атрымаць персанальныя звесткі або коды з СМС-паведамленняў.
У міліцыі падкрэслілі, што ніякіх «бяспечных рахункаў», пра якія любяць казаць махляры, не існуе, а сапраўдныя супрацоўнікі дзяржаўных органаў ніколі не просяць называць код з СМС.
Калі падчас такога званка патрабуюць перадаць асабістыя звесткі або выканаць нейкія інструкцыі, неабходна адразу пакласці слухаўку. Не варта выконваць патрабаванні незнаёмцаў, нават калі яны кажуць пра пераразлік пенсіі, праверку працоўнага стажу або дадатковыя выплаты.
Пры неабходнасці інфармацыю пра выплаты ці іншыя пытанні можна самастойна праверыць па афіцыйных нумарах дзяржаўных органаў, пазначаных на іх сайтах.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ1
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары