У Мінску мужчына збіў роварам пенсіянерку і спакойна паехаў на працу
У Мінску вынеслі прысуд 57‑гадоваму мужчыну з Оршы, які на ровары збіў пенсіянерку на тратуары, а пасля з’ехаў з месца здарэння, пакінуўшы пацярпелую ў небяспечным стане, піша агенцтва «Мінск-Навіны».
Здарэнне адбылося каля 7:45 19 чэрвеня 2025 года на ходніку вуліцы Магілёўскай. Мужчына ехаў на веласіпедзе з хуткасцю больш за 13 км/г. Наперадзе ён убачыў траіх пешаходаў, якія ішлі ў тым жа кірунку, але не знізіў хуткасць і не падаў гукавога сігналу, бо вырашыў праехаць паміж імі.
У гэты момант 70‑гадовая жанчына нечакана зрабіла крок убок, і раварыст збіў яе з ног. Ён дапамог ёй падняцца. Жанчына была ў шокавым стане і паказала мужчыну, што ў яе парваная куртка, а праз тканіну ідзе кроў. Аднак мужчына сказаў, што спяшаецца на працу, запісаў яе нумар тэлефона, паабяцаў кампенсаваць шкоду і з’ехаў.
Хуткую дапамогу жанчына выклікала сама. Медыкі даставілі яе ў бальніцу. Эксперты ўстанавілі, што яна атрымала цялесныя пашкоджанні.
Пасля пацярпелая напісала заяву аб прыцягненні раварыста да адказнасці, і супраць яго завялі крымінальную справу. Мужчына цалкам прызнаў віну, раскаяўся, папрасіў у жанчыны прабачэння і добраахвотна кампенсаваў ёй матэрыяльную і маральную шкоду.
Суд прызнаў яго вінаватым у парушэнні правіл, якія гарантуюць бяспечную працу транспарту, а таксама ў пакіданні чалавека ў небяспецы. Яму прызначылі адзін год абмежавання волі без накіравання ва ўстанову адкрытага тыпу і штраф сумай 40 базавых адзінак — 1800 рублёў.
Мужчына раней не меў судзімасцяў, жанаты і працуе электразваршчыкам. Прысуд ужо ўступіў у законнае дзеянне.
Каментары
Его надо было понять и простить?...
Так и поступИте, когда он собьёт вАШУ дочь-школьницу!
Там же сказано не о "понять и простить"! А о том, надо ли было человеку плюнуть на работу (которую он, провинциал, нашёл в богатом Минске и которой наверняка дорожил), и сидеть рядом с тётей. Которая вовсе не лежала без чувств! Ей помогли встать, усадили. Да, она получила ушиб/ссадину и повреждение куртки. Но человек пообещал компенсировать всё. Они обменялись номерами телефонов. Или ему надо было удочерить потерпевшую? :))
И как, сдержал обещание?