Сталі вядомыя прысуды сваякам Ільі Двойрына, якога абвінавачваюць у пэцканні аўто расійскага Z-гастралёра
4 ліпеня наваполацкія сілавікі затрымалі ўсю сям'ю супрацоўніка «Нафтана» Ільі Двойрына. Разам з ім забралі ягоную жонку, брата, сына з нявесткай. Самога Ілью абвінавацілі ў тым, што ён абліў белай фарбай аўто расійскага Z-гастралёра.
Раней ужо пісалі пра суд над Ільёй Двойрыным, — праўда, па іншым эпізодзе, а вось адносна ягоных сваякоў нічога не было вядома.
Цяпер мясцовы тэлеграм-канал паведаміў, што сына з нявесткай 6 ліпеня суддзя Зінаіда Балаболава асудзіла на 15 сутак кожнага «па артыкуле аб захоўванні і распаўсюдзе экстрэмісцкіх матэрыялаў». У сына Ільі Двойрына Дзмітрыя знайшлі падпіску на выданне «Люстэрка» ў інстаграме, а ў ягонай жонкі Вікторыі — падпіску на тое ж «Люстэрка» ва «УКантакце».
Нядаўна, нагадаем, прайшоў суд над самім Ільёй Двойрыным, але яго на судзе не было. Яго асудзілі нібыта за расклейванне антыпуцінскіх улётак. Дзе мужчына знаходзіцца цяпер, невядома.
Чытайце таксама:
У Наваполацку запэцкалі лабавую шыбу ў машыны расійскага «Z-гастралёра» Сяргея Юдаева ВІДЭА
Цяпер чытаюць
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары