Міліцыя сцвярджае, што затрымала жыхара Наваполацка, які абліў фарбай аўтамабіль расійскага Z-гастралёра. Але відэа заблюранае
Супрацоўнікі Наваполацкага ГАУС затрымалі чалавека, які, на іх меркаванне, абліў белай фарбай аўто прарасійскага Z-актывіста Сяргея Юдаева. Але на міліцэйскім відэа твар і голас змененыя і нумары заблюраныя, што незвычайна для відэа такога тыпу.
Ім аказаўся 53-гадовы мясцовы жыхар, які працуе на адным з прадпрыемстваў горада. Цяпер ён затрыманы.
У затрыманага на міліцэйскім відэа твар і голас змененыя і нумары заблюраныя, што незвычайна для відэа такога тыпу, якія змяшчаюць сілавікі.
Пацярпелы Сяргей Юдаеў — прарасійскі актывіст з Харкава, які цяпер актыўна падтрымлівае Расію ў вайне супраць Украіны і збірае сродкі для дапамогі расійскім вайскоўцам. Па нейкіх сваіх справах ён прыехаў у Наваполацк і атрымаў тут «падарунак».
Машына Юдаева на крымскіх нумарах і са знакам Z на ёй стаяла на стаянцы каля аддзялення мясцовай міліцыі.
Прапаганда вайны і распальванне варожасці да Украіны, краін Еўропы і ЗША, а таксама палітычных праціўнікаў Лукашэнкі вядзецца ў Беларусі свабодна і маштабна, любое супрацьдзеянне гэтаму караецца.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў7
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары