Байдэн выступіў супраць спрашчэння патрабаванняў для ўступлення Украіны ў НАТА
Прэзідэнт ЗША Джо Байдэн заявіў, што не плануе спрашчаць патрабаванні далучэння Украіны да НАТА, паведаміў тэлеканал CNN.
Калі Байдэна спыталі, ці плануе ён пагадзіцца на спрашчэнне працэсу ўступлення Украіны ў НАТА, прэзідэнт ЗША адказаў:
«Не. Таму што яны павінны адпавядаць тым самым стандартам. Таму я не збіраюся спрашчаць».
Па словах амерыканскага лідара, Украіна зрабіла ўсё, што звязана з дэманстрацыяй здольнасці да ваеннай каардынацыі.
«Але ёсць шэраг пытанняў, ці бяспечная іх сістэма? Яна не карумпаваная? Ці адпавядае яна ўсім стандартам, якім адпавядае любая іншая краіна НАТА? Я мяркую, што гэта будзе. Я мяркую, што можа. Але гэта не аўтаматычна», — сказаў Байдэн.
Раней, 14 чэрвеня, выданне New York Times паведаміла, што сярод краін — членаў НАТА разгарэлася дыскусія адносна магчымага сяброўства Украіны, а на прэзідэнта ЗША Джо Байдэна аказваецца ціск, каб той падтрымаў паскарэнне гэтага працэсу.
16 чэрвеня CNN напісала, што Байдэн не супраць прыбраць з перашкод для ўступлення Украіны ў НАТА План дзеянняў па сяброўстве. У гэты ж дзень Politico таксама адзначала, што сярод чальцоў НАТА расце падтрымка таго, каб не патрабаваць ад Украіны выканання гэтага плана.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга67
Каментары