Фінскаму ўдзельніку «Еўрабачання» далі на год бясплатна карыстацца кватэрай
Здымную кватэру горад будзе аплачваць цэлы год.
Käärijä, альбо спявак Ерэ Пёўхёнен, публічна казаў пра сваё жаданне вярнуцца ў Вантаа, таму горад вырашыў падарыць яму кватэру на год, пра гэта піша Yle.fi.
Гэта здымная кватэра ў Вантаа, і горад будзе аплачваць арэнду на працягу года.
— Жыллё ў Вантаа заўсёды адчуваецца значна больш домам, чым у іншых месцах, — адзначыў спявак.
Большую частку свайго юнацтва ён правёў у раёне Рускеасанта ў Вантаа.
Улады Вантаа раней абвясцілі, што замовяць мурал з выявай Käärijä.
Ключы ад арандаванай кватэры перадалі спеваку ў аўторак. Разам з гэтым яму ўручылі медаль Вантаа ў знак прызнання яго выбітных заслуг перад горадам.
Käärijä заняў другое месца ў конкурсе «Еўрабачанне» паводле падсумавання галасоў гледачоў і журы. Але ён з вялікім адрывам выйграў глядацкае галасаванне.
Акрамя кіраўніцтва горада на цырымоніі прысутнічалі 12 прыхільнікаў Käärijä з дзіцячага садка «Цікурыла».
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі17
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1414
Каментары