Пачаліся баі ў раёне Урэмеўскага выступу — кіраўнік акупацыйнай адміністрацыі
У ноч на 5 чэрвеня Мінабароны Расіі паведаміла пра маштабны наступ УСУ на паўднёваданецкім кірунку.
З самай раніцы 5 чэрвеня аднавіліся актыўныя баі ў раёне Урэмеўскага выступу, якія пачаліся напярэдадні, паведаміў член акупацыйнай адміністрацыі Запарожскай вобласці Уладзімір Рогаў у тэлеграм-канале. З ягоных слоў, украінскі бок «кінуў у атаку яшчэ большыя сілы, чым учора, падышоўшы да спробы прарыву больш маштабна і арганізавана».
У ноч на 5 чэрвеня Мінабароны Расіі паведаміла пра маштабны наступ УСУ на паўднёваданецкім кірунку, які нібыта ўдалося адбіць сіламі «Усходняй» групоўкі войскаў.
Напярэдадні Рогаў паведаміў, што ўкраінскія войскі, у тым ліку польскія наёмнікі, спрабавалі прарваць фронт на запарожскім кірунку. Яны прасунуліся на 400 метраў, але расійскія сілы нібыта адкінулі іх назад, сцвярджаў ён. Пазней Рогаў удакладніў, што баявыя сутыкненні ў раёне выступу працягваліся больш за восем гадзін.
Каментары