У спіс гісторыка-культурных каштоўнасцяў уключаць культуру беларускай дуды
22 мая на пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны была падтрыманая прапанова аб наданні статусу гісторыка-культурнай каштоўнасці такому элементу, як «Культура беларускай дуды». Адпаведная пастанова Міністэрства культуры будзе прынятая ў хуткім часе, паведаміла прэс-служба ўстановы.
Дуда — традыцыйны музычны народны інструмент, які належыць да тыпу язычковых духавых інструментаў. Яна выкарыстоўвалася для суправаджэння танцаў, песень і прыпевак, на сямейных і каляндарных абрадавых святах, ігрышчах і кірмашах.
У ранейшыя часы была вельмі папулярная ў Беларусі, была арганічна звязаная з танцамі ў абрадавых гульнях і забавах, а таксама святах і кірмашах. Дудары і дударства шырока прадстаўленыя ў беларускіх літаратурных і мастацкіх творах.
Беларускай дудой, як падкрэсліваецца ў паведамленні Мінкультуры, варта называць канкрэтны від аднагукавай дуды — духавы народны музычны інструмент, які складаецца са скуранога меху, аднаго гуку (бурдону), адной жалейкі (перабор), соскі, а таксама на кожнай з ігравых трубак усталяваныя рагаўні-раструбы.
«Толькі ў Крычаве майстры ляпілі канька без ножак і падобнага да шахматнай фігуркі». Крычаўскую свісцёлку ўнеслі ў спіс гісторыка-культурных каштоўнасцяў
«Тут адчуваецца, што стары свет яшчэ трошкі захаваўся. І звычай сапраўды жывы». Гісторык наведаў «Конікі» ў Давыд-Гарадку
Цімафей Акудовіч: Сапраўдныя нематэрыяльныя каштоўнасці не жывуць у Дамах культуры
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары