Кастусёў трапіў у бальніцу, Статкевіч паўгода быў у адзіночнай камеры
Невясёлыя навіны ад беларускіх палітвязняў.
Палітзняволены Рыгор Кастусёў знаходзіцца ў бальніцы на абследаванні.
Пра гэта з фэйсбуку паведаміў зяць старшыні партыі БНФ Дзмітрый Антончык.
Рыгора Кастусёва затрымалі ў красавіку 2021 года, а ў верасні 2022 года асудзілі да 10 гадоў калоніі па справе аб захопе дзяржулады. У зняволенні ў Рыгора Кастусёва абвастрыліся праблемы са здароўем — у яго выявілі анкалагічнае захворванне.
Мікола Статкевіч паўгода быў у адзіночнай камеры, а цяпер, верагодна, у ШІЗА, напісала ў фэйсбуку яго жонка Марына Адамовіч:
«Сёння атрымала адказ з калоніі на свае запыты. Усяго толькі праз 95 дзён поўнай невядомасці. … Той, хто нічога не ведае пра сваіх родных, мяне зразумее. 36 спагнанняў, з іх 14 — ШІЗА (5 — за апошнія тры месяцы, тэрмін не паведамляюць). Цяпер, верагодна, у ШІЗА таксама, альбо толькі выйшаў. Чарговы раз пакараны знаходжаннем паўгода ў той самай адзіночцы 1х3 м, аналагу ПКТ у «звычайнай» калоніі. (Мінулыя паўгода расцягнуліся на 9 месяцаў). Гэта значыць, што, калі не ў ШІЗА, то кругласуткава ў каменным мяшку з прагулкай у такім жа каменным мяшку паўгадзіны на дзень. Пазбавілі ўсяго: адзінай пасылкі і спатканняў. Пра тэлефанаванні гаворка нават не ідзе. Лістоў па-ранейшаму няма», — напісала яна.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары