Kastusioŭ trapiŭ u balnicu, Statkievič paŭhoda byŭ u adzinočnaj kamiery
Nieviasiołyja naviny ad biełaruskich palitviaźniaŭ.
Palitźniavoleny Ryhor Kastusioŭ znachodzicca ŭ balnicy na abśledavańni.
Pra heta z fejsbuku paviedamiŭ ziać staršyni partyi BNF Dźmitryj Antončyk.
Ryhora Kastusiova zatrymali ŭ krasaviku 2021 hoda, a ŭ vieraśni 2022 hoda asudzili da 10 hadoŭ kałonii pa spravie ab zachopie dziaržułady. U źniavoleńni ŭ Ryhora Kastusiova abvastrylisia prablemy sa zdaroŭjem — u jaho vyjavili ankałahičnaje zachvorvańnie.
Mikoła Statkievič paŭhoda byŭ u adzinočnaj kamiery, a ciapier, vierahodna, u ŠIZA, napisała ŭ fejsbuku jaho žonka Maryna Adamovič:
«Siońnia atrymała adkaz z kałonii na svaje zapyty. Usiaho tolki praz 95 dzion poŭnaj nieviadomaści. … Toj, chto ničoha nie viedaje pra svaich rodnych, mianie zrazumieje. 36 spahnańniaŭ, ź ich 14 — ŠIZA (5 — za apošnija try miesiacy, termin nie paviedamlajuć). Ciapier, vierahodna, u ŠIZA taksama, albo tolki vyjšaŭ. Čarhovy raz pakarany znachodžańniem paŭhoda ŭ toj samaj adzinočcy 1ch3 m, anałahu PKT u «zvyčajnaj» kałonii. (Minułyja paŭhoda raściahnulisia na 9 miesiacaŭ). Heta značyć, što, kali nie ŭ ŠIZA, to kruhłasutkava ŭ kamiennym miašku z prahułkaj u takim ža kamiennym miašku paŭhadziny na dzień. Pazbavili ŭsiaho: adzinaj pasyłki i spatkańniaŭ. Pra telefanavańni havorka navat nie idzie. Listoŭ pa-raniejšamu niama», — napisała jana.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary