Фіны канчаткова адмовіліся ад продажу «Лідскага піва» і заплацяць велізарны штраф
Фінскі вытворца піва і напояў Olvi канчаткова адмовіўся ад продажу «Лідскага піва» і заплаціць штраф дзяржкантролю. Пра гэта кампанія паведаміла ў сваёй прамежкавай справаздачы за першы квартал гэтага года. У прыватнасці, у ёй пацверджана, што фіны «спынілі працэс продажу» завода з-за ўведзенай летам 2022-га забароны на адчужэнне акцый, паведамляе Office Life.
Штраф у €12,2 млн, які выпісаў у лютым «Лідскаму піву» Камітэт дзяржкантролю, будзе выплачаны ў другім квартале 2023 года.
Пры гэтым у справаздачы паведамляецца, што «спецыяльная праверка» працягваецца. Згадана, што 29 сакавіка 2023 года Ленінскі суд Мінска адхіліў апеляцыю фінаў на рашэнне дзяржкантролю, і, хоць судовы працэс працягваецца, сума штрафу ўжо ўключана ў прамежкавую справаздачнасць за першы квартал.
«Штраф аказаў значны ўплыў на грашовы паток і «абцяжарыў аперацыйныя вынікі» холдынгу як у Беларусі, так і ў цэлым. У абодвух выпадках зафіксаваныя мінусы — €6,1 млн і €2,2 млн адпаведна.
У справаздачы ўдакладняецца, што беларуская «дачка» працуе «незалежна ад фінансавай падтрымкі мацярынскай кампаніі» і «штраф, накладзены на «Лідскае піва», будзе аплачаны з мясцовых актываў». Ён «значна скароціць грашовыя актывы», але «дзейнасць працягнецца».
У цэлым за кошт росту продажаў у першую чаргу піва (у фізічных велічынях — на 21,6% да першага квартала 2022 года) і росту цэн выручка «Лідскага піва» павялічылася на 49,6% — да €28,8 млн. Для параўнання: па ўсім холдынгу, які прадаў прадукцыі на €129,5 млн, прырост склаў 24,6%.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары