Насельніцтва Беларусі ў сакавіку павялічыла валютныя дэпазіты ў банках — Нацбанк
Валютныя дэпазіты насельніцтва і юрыдычных асоб у беларускіх банках за сакавік 2023 года выраслі на 185,8 млн даляраў, ці 1,79% пасля падзення ў лютым на 259,3 млн даляраў, гаворыцца ў справаздачы Нацыянальнага банка Беларусі.
Насельніцтва з пачатку года вывела з банкаў валютныя ўклады на суму ў 21,7 млн даляраў, ці на 0,46%. Валютныя дэпазіты насельніцтва на 1 красавіка 2023 года склалі 4,6962 млрд даляраў, на 1 студзеня гэты паказчык быў роўны 4,7179 млрд даляраў. У сакавіку фізічныя асобы павялічылі дэпазіты ў банках на суму 10,2 млн даляраў, або на 0,22%.
У тым ліку тэрміновыя дэпазіты фізічных асоб з пачатку года скараціліся на 105,3 млн даляраў, ці 2,94% і на 1 красавіка 2023 года склалі 3,4793 млрд даляраў. У сакавіку тэрміновыя валютныя дэпазіты насельніцтва скараціліся на 18,1 млн даляраў, або на 0,52%.
Тэрміновыя дэпазіты юрыдычных асоб з пачатку года скараціліся на 106,4 млн даляраў, ці на 3,99% і на 1 красавіка 2023 года склалі 2,5592 млрд даляраў. У сакавіку тэрміновыя валютныя дэпазіты юрыдычных асоб скараціліся на 15,6 млн даляраў, ці на 0,60%.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары