Грамадства4646

Дэпутат Марзалюк выказаўся за пазітыўную дыскрымінацыю на карысць беларускай мовы. У часткі лукашыстаў палыхае

У ток-шоу на СТБ, прысвечаным моўнай сітуацыі ў краіне, дэпутат Ігар Марзалюк заклікаў да папулярызацыі беларускай мовы. Некаторыя прыхільнікі рэжыму накінуліся на яго за «русафобію».

Скрыншот СТБ

«Я лічу, што нам у любым выпадку трэба папулярызаваць беларускую мову, умацоўваць беларускамоўнае асяроддзе і ў тым ліку рабіць пэўныя захады, якія давалі б магчымасць кожнаму грамадзяніну вольна камунікаваць па-беларуску.

Я лічу, што рэжым пазітыўнай дыскрымінацыі — значыць умацавання беларускай мовы, бо ў яе іншай радзімы, акрамя Беларусі, няма — вельмі важны»,

выказаўся ў эфіры Марзалюк.

«Вой па вас пройдуцца некаторыя блогеры», — адпусціў рэпліку вядучы перадачы і галоўны рэдактар «Мінскага кур'ера» Кірыл Казакоў.

«Мне начхаць. Мы прыйшлі ў гэтую сітуацыю не ўчора і не ў 1991 годзе, я тут не буду актуалізаваць усе моманты, звязаныя з паланізацыяй і русіфікацыяй. Гэта маё суб'ектыўнае меркаванне, не камісіі, не парламента — я лічу, што было б правільна на сёння вярнуцца да той практыкі, якая была ў Міністэрстве адукацыі, калі гуманітарныя дысцыпліны (геаграфія Беларусі, гісторыя Беларусі, грамадазнаўства) выкладаліся толькі па-беларуску», — падзяліўся дэпутат.

Марзалюк дадаў, што такое мусіць быць і ў рускамоўных школах.

«Я заканчваў вясковую школу ў Краснапольскім раёне. Калі мне расказваюць, што матэматыку, альбо фізіку, альбо хімію нельга выкладаць на беларускай мове, гэта смешна, таму што мне выкладалі ўвесь комплекс дысцыплін, за выключэннем рускай мовы і літаратуры, па-беларуску».

Сваімі словамі Марзалюк абурыў некаторых лукашыстаў і прарасійскіх дзячаў.

«Як вам такое? Быццам Оруэла чытаю. Але праходзіцца па Марзалюку я не буду. Яму ўсё адно «начхаць», — адрэагавала мастачка Святлана Жыгімонт.

«Падобна, пачалося ўсё спачатку, зноў беларусізатары з пазітыўнай дыскрымінацыяй павылазілі», — пішуць яе аднадумцы ў каментарах. 

«Чаму так адкрыта ўбіваецца раскол проста з экранаў дзяржСМІ?»

Марзалюка абвінавацілі ў русафобіі, паспелі ахрысціць і «панам», і «бэчэбэшнікам».

Блізкі да сілавікоў тэлеграм-канал напісаў, што дэпутат заклікае да дыскрымінацыі рускай мовы (праўда, пасля пост выдаліў).

«Беларускі дэпутат Марзалюк на дзяржаўным беларускім канале заявіў аб неабходнасці дыскрымінацыі па моўным прынцыпе. Беларуская мова, паводле Марзалюка, павінна стаць дамінуючай, а тытульная нацыя ў Рэспубліцы Беларусь — беларусы. Чым гэта адрозніваецца ад распальвання нацыянальнай і моўнай варожасці?» — незадаволена напісала прарасійская дзяячка з Віцебска Эльвіра Мірсалімава.

Каментары46

  • Ваша iмя
    22.02.2023
    Беларусофобы ўскрылiся як кансервныя банкi!
  • морс
    22.02.2023
    Чо они возбудились? Российский язык никто не ущемляет и не запрещает. 
  • даведка
    22.02.2023
    Вчера в Минске открыли мемориальную доску народному артисту Михаилу Финбергу, который, как особо подчёркивалось в сюжете, давал свои интервью исключительно на беларускай мове. По этому случаю солист его оркестра Руслан Мусвидас сказал несколько добрых слов о маэстро на русском языке для БТ, а уже через секунду его демонстрируют на заднем плане орущим в микрофон на беларускай мове...

Цяпер чытаюць

Пекла ў Расіі: удары па нафтаперапрацоўцы паглыбляюць паліўны крызіс і мяняюць уяўленні Трампа пра перспектывы Украіны4

Пекла ў Расіі: удары па нафтаперапрацоўцы паглыбляюць паліўны крызіс і мяняюць уяўленні Трампа пра перспектывы Украіны

Усе навіны →
Усе навіны

«Мяне сустрэлі ў штыкі. Казалі: а дзе нашы дактары?» Як у мінскай паліклініцы працуюць дактары з Ірака і Туркменістана79

У Ашмянах з’явіліся незвычайныя лаўкі — на валунах

Знакаміты расійскі цыркач з «Дзю Салей» ратуе стары млын у беларускай вёсцы і просіць пра талаку4

«Першыя месяцы я плакала». Супрацоўніца пункта выдачы заказаў — пра штрафы, абразы і перапрацоўкі2

«Гэтыя словы злятаюць не з вуснаў аўтара, а ад адмоўных персанажаў». Праханаў апраўдваецца за раман, у якім зло выпісаў Пуціна4

Пасля пратэстаў у Грузіі затрымалі пяць чалавек. Прэм'ер абвясціў аб правале пятай спробы майдану6

У Новалукомлі адкрылі рыбны кансервавы завод. Кажуць, аналагаў прадукцыі ў Беларусі няма3

Пуцін: Пастаўка Кіеву «Тамагаўкаў» разбурыць адносіны з ЗША9

У Беларусі вырастуць цэны на некаторыя аўтамабілі, а выбар стане меншым. Вось чаму7

больш чытаных навін
больш лайканых навін

Пекла ў Расіі: удары па нафтаперапрацоўцы паглыбляюць паліўны крызіс і мяняюць уяўленні Трампа пра перспектывы Украіны4

Пекла ў Расіі: удары па нафтаперапрацоўцы паглыбляюць паліўны крызіс і мяняюць уяўленні Трампа пра перспектывы Украіны

Галоўнае
Усе навіны →

Заўвага:

 

 

 

 

Закрыць Паведаміць