У вышэйшую футбольную лігу прабілася каманда з Рагачова з назвай як у букмекерскай канторы
Рагачоўская каманда «Макслайн» перамагла дзяржынскі «Арсенал» у серыі з двух матчаў за выхад у футбольную Вышэйшую лігу Беларусі і ў наступным сезоне ўпершыню стартуе ў эліце.
Сёння ў Рагачове «Макслайн» выйграў у «Арсенала» з лікам 3:1. Папярэднюю сустрэчу выйгралі дзяржынцы — 3:2, але па суме двух матчаў у эліту прабіліся рагачоўцы.
Праўда, «Арсенал», каб і выйграў, наўрад ці б скарыстаўся заваяванай магчымасцю, бо спыняе сваё існаванне. Пра гэта паведаміў дырэктар каманды Аляксей Меляшкевіч.
Назву «Макслайн» носіць вядомая букмекерская кантора, а рагачоўскі клуб, які раней існаваў пад рознымі назвамі і зорак з неба не хапаў, атрымаў яе пасля таго, як гэтая кантора стала яго партнёрам.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары